T. MĀKÖS 2:26 - TÖHET LĪPÖRE (Re-edited) Bible (BSI)

²⁶ Ngaich kuhēthötre anga-aṅ inrē nö el patī ngam Tēv, hē Apīatör nö mākūö kūönṙô; ngaich nyā nuk töhet ròtī, nuk tötkô nö nya-aṅkūö tahëng, höng nya-aṅkūö kūönṙô. Ngaich kē-ĕkūö yik holre inrē.

T. MĀKÖS 2:26 Referans Kwoze

2 SAMUĔL 8:17

Sēktòk inrē ök kikōnyö kūön Ahitöp Ahimelek inrē ök kikōnyö kūön Apiātör, nö kūönṙô cha-a; kamūich inrē ang Sērayā.

1 KINṘÖTNGÖ 24:6

Ngaich ök kamūich Sīmayā ök kikōnyö kūön Natanĕl, ök Lēvī nö kaṙötngen cha nö i kūö ök rācha, i kūö yik kūön rācha, i kūö Satòk ök kūönṙô, i kūö Ahīmëlek ök kikōnyö kūön Apiātar tö yik yöng kūö nuk patī yik yöng yik kūönṙô tö aṅ patī yik Lēvi inrē; hĕng tökatöllöng aṅ patī yöng Ēliasar hĕng inrē tökatöllöng in Itamar.

1 SAMUĔL 21:1

Ngaich yih ang Tāvit nö i Nòp ök kūön ṙô Ahimelek yihtöre ngaich Ahimelek nö höngkūö Tāvit nöng kichëyöre, ngaich ngö ṙô tö ò, Kūöyòh öm höng hĕng tak öm öt hōlu tö tarik?

1 RĀCHA 4:4

Pënayā inrē ök kikōnyö kūön Yēhōiata i kui yik kumyung anga-aṅ; kūönṙô nā Sētòk nā Apiatör;

1 RĀCHA 2:22

Ngö ṙô ngaich ök rācha Sòlòmön nö sap ṙô ök yöng re kikānö, Kūöyòh öm havëken Apīsak öp aṅ Sunam nö pīhö Atōnīyā? Havëkö ngam pūlngö man yĕh inrē nö pūlngö ò tön maṙöinylö ap nö mëm chu; chööḵnyöten tö ò yĕh chööḵnyöten tö Apīatör inrē ap kūönṙô, chööḵnyöten tö Yô-ap inrē kikōnyö kūön Serūyā.

1 RĀCHA 1:7

Vë-ekūö Yô-ap anga-aṅ ök kikōnyö kūön Seruyā, Apīatör inrē ök kūönṙô: ngaich cha-a nö tömrit Atōniyā nö holṙen ò.

2 SAMUĔL 20:25

Kamūich ang Sēvā: kūönṙô nā Sētòk nā Apiatör:

2 SAMUĔL 15:35

Röh nap umuh inrē nö hol meh nāṅ Sētòk, Apiātör inrē nap kūönṙô? Lökten yē e min, öp töng ahang meh ṙāmā-ang el patī ap rācha, ngaich vë-eny e më-eṅ in Sētòk, in Apiātör inrē nap kūönṙô.

2 SAMUĔL 15:29

Lökten ang Sētòk ang Apīatör inrē nö keunngö ök kasòng ngam Tēv nö hēk nö i Yērusalem: ngaich in e cha-a nöng ngöh.

2 SAMUĔL 15:24

Yĕh meuk, yihinrē ang Sētòk, ṙòkhöre inrē yik Lēvi nö in ò, keunkö ök kasòng kinlēḵ-ngô ngam Tēv; ngaich cha-a nö ṙātö ök kasòng ngam Tēv, kiröönngöre ngaich Apiātör nö lā urĕh hanöng saha yik tarik nö ṙòkhöre nö ngaich nö kunyī-inyre nö ṙā-ang el ök panam.

1 SAMUĔL 23:9

Akahalōn ang Tāvit tö Sôl nö vīlö töchōich inlahenre nö lā al ò; ngö ṙô ngaich anga-aṅ tök kūönṙô Apiātör, Kētö ap sörplis ihih.

1 SAMUĔL 23:6

Ngaich Apiātör ök kikōnyö kūön Ahīmelek nö falngöre nö in Tāvit nö i Kailah, ngaich kumuröön anga-aṅ tök sörplis nö eltī ò.

T. MËTIV 12:4

Tö inlahen ò nö kuhēthötre nö el patī ngam Tēv, ngaich nyā töhet ròtī, nuk tötkô nö nya-aṅ tö ò; öt rēhĕn nö kô yik hol ò; pòn höng nya-aṅkūö kūönṙô?

T. MĀKÖS 2:25

Ngaich ngö ṙô Anga-aṅ tö cha, Höng öt ve-ekūö inlahen Tāvit öi yī-ö, hē ò nö kapahare, tö yik hol ò inrē?