T. MĀKÖS 2:21 - TÖHET LĪPÖRE (Re-edited) Bible (BSI)

²¹ Öt tarīkuvö chamôktö tufömngöre hilā nö lanöp höteh. Yē ò nö ngatī; ngaich ngam lanöp e nö ṙuhöinyre tinkāichökūö tö ngam höteh.

T. MĀKÖS 2:21 Referans Kwoze

T. MËTIV 9:16

Öt tarīkūvö chamôktö tufömngöre hilā, nö im höteh hilā; pòn ṙūhöinyre ngam tötakaich, tökūö ngam töchōktu.

1 KÒRIN 10:13

Öt kinlahavö yin töp tö möthë tö kanô-òṅ tarik. Tökô-en pöri ngam Tēv, ngam töt hō nö halöngten yīö, mötlö kinlaha, tö kanô-òṅ yīö; hē ngam kinlaha min Anga-aṅ nö vītö talöökö öt kanô-òngvah, hòṅ yīö kalēḵ keūnö e.

Isayā 57:16

Pò chu sō örheūheu lā-alkūö, öt rēhĕn öich öt örheūheu min līn; pòn löknyö in chu ngam ma-alaha, chū-ö inrē vamī unhômö ngam nômö.

T. MĀKÖS 2:20

Yih pöri min nup sakāmö hē ngam töhapīhö nö kē-ĕyö nö ṙā-ang in cha. Ngaich möl cha-a min nö ahik, hē e.

T. MĀKÖS 2:22

Öt tarīkuvö ma-asëhöt tufömngöre vāin, nö el höteh uk. Yē ò nö ngatī, ngaich ngam vāin min nö lakukköṅnykūö tö minë uk; ngaich kö ötkôlò nyöre tö ngam vāin tö minë uk inrē. El tufömngöre pöri uk, ngih tufömngöre vāin.

T. LŪKÖS 5:36

Ngaich hĕng ök inchōḵoṙô Ò nö in cha; Öt tarīkuvö tumkaichlö tufömngöre hilā ngaich chōktö e nö i hötṙeh hilā, pòn takaich min ngam tufömngöre, öthōḵen höö anū-ö inrē min tö ngam hötṙeh töm tuföm ngöre.