T. MĀKÖS 2:2 - TÖHET LĪPÖRE (Re-edited) Bible (BSI)

² Ngaich maṙôngö yik mahamūlöre; lökten cha nö öt ōtre chūök, öt rēhĕn nöng i kūö inkūp öre. Ngaich mumkahten cha Anga-aṅ.

T. MĀKÖS 2:2 Referans Kwoze

T. MĀKÖS 2:13

Hēk Ang Yēsū nö chuh kūö mai, ngaich ṙòkhöre yik tömaṙôngö nö chuh in Ò; ngaich haköpten cha Anga-aṅ.

T. MĀKÖS 1:45

Kiröönngöre pöri anga-aṅ, kaknyöre ngaich nö ahangkö e, nö pirātngö chūök e; ngaich Yēsū nö öt kô nö hangāṅlkenre nö kuhēthötre nö i panam; höng lā-uk nö el-inchōn. Keuheūttöre lā-a lökta cha-a ngaich nö yihtöre nö in Ò.

2 TIMÒTĪ 4:2

Ahangkö ngam ṙô; hameuknyö, vëḵa, halēn, holtö manöiyö, inköphöti inrē.

RŌMA 10:8

Sitih pöri ngam ṙô e? Ranghen meh an ngam ṙô, i elvāng meh, i ellōn meh inrē: angū-ö, ngam ṙô mikah ngam inhānga tö ih:

INLAHEN 16:6

Lök i nup chīṙö Pruki cha-a, Kalatī inrē; pòn tahayö tö ngam töhet Fanöinylö nö ṙô-òv tö ngam ṙô nö i Asi.

INLAHEN 14:25

Keuheūthëṙô cha-a tö ngam ṙô nö i Pörka, ngaich chuh Attalia.

INLAHEN 11:19

Ngaich yik töparāti hēngen tö ötinkôlò Satēpān, nö kiröönngöre nö tölngö Pòinikē. Saiprös, Anti-òk inrē; öt inrēngörevö chūök ṙô cha-a tö ngam ṙô, höng i yik Yahūti.

INLAHEN 8:25

Ngaich cha-a nö havantöre nö i Yerūsalem, tö kinheūṅtö ṙôre nö ahangkö ngam ṙô ngam Mā; mumkahten inrē tö ngam tölöök inhānga nö ṙōl tumhëṅtö chūök nö i Samariā.

T. LŪKÖS 12:1

Hē e yik tö ṙōl köṅny tömaṙôngö nö hamūlöre nö pōyen, tön uroh nöng kö rööntökui höö, rĕhnyôre Anga-aṅ tö yik mahaköp nö ngö ṙô, Urĕh yin haṙēmngenre tö nup tö-aföhlöng ròtī i yip Feresī, ngam innyatkö-elmat.

T. LŪKÖS 8:11

Ngih öng kòl inlahen ngam inchōḵoṙô, Ngam kulöl an, ṙô ngam Tēv.

T. LŪKÖS 8:1

Ngaich ilööṙen nö unôichngöre tö Ò, nö chuh i nup panam, tuhēt inrē, mumkahten ane inrē ahangkö ngam tölöök inhangkö ngam pūlngö ngam halīöngö. Hōlu Anga-aṅ tö yik tö nët sīön taka;

T. MĀKÖS 1:37

Kôtökūö ngaich cha-a tö Ò, ngaich ngö ṙô tö Ò, Chöhö Man tö taṙòkhöre.

T. MĀKÖS 1:33

Ngaich ṙòkhöre yik aṅ ngam panam nö hamūlöre nö i kūö inkūp.

T. MĀKÖS 1:14

Keuheūthëṙen kine-eṅ ang Yôhan yihtöre ngaich Yēsū nö i Kelelī, ahangkö ngam tölöök inhānga aṅ im Tēv;

T. MËTIV 5:2

Ngaich kaknyöre Anga-aṅ nö haköpten cha, nö ngö ṙô;

Salmai 40:9

Ahangkö lanöökö chin elṙô-ngö tömaṙôngö: yĕh meuk, öt ma-iṅ ṙôre chin, akahalōn man, Ō Mā Tēv.

T. LŪKÖS 5:17

Ngaich hĕngheuh ik hē u anū-ö sakāmö tö Ò nö mumkahten, ngaich umuh nö ūichhaka yik Feresī ane inrē yik mahaköptö ngam chöngö, yik ṙamā-ang taṙòkhöre panam i Kelelī, i Yūtā, ane inrē i Yerūsalem ngaich ngam kanô-òṅ ngam Mā Tēv nö in Ò, nö halanken tövahavö.

T. MĀKÖS 6:34

Yôkti ngaich Anga-aṅ, ngaich meuk yik tömaṙôngö. Aṙē-ĕlōn ngaich Anga-aṅ tö cha; pò cha nöng sā pököre tötyōmuvö. Kaknyöre ngaich Anga-aṅ nö marô-òtô nö haköpten cha.

T. MĀKÖS 2:1

Ngaich hē Ò nö hēk nö kuhēthötre nö i Kafarnahum, harohtum hang sumkam nö unôich; ngaich hāngö Anga-aṅ nö el patī.