T. MĀKÖS 2:17 - TÖHET LĪPÖRE (Re-edited) Bible (BSI)

¹⁷ Höng hangtöre Yēsū tö e, ngaich ngö ṙô tö cha, Rö-ö yin vē tölööken nö hòṅ lame-evṙen; höng vē tövahavö pöri. Rö-ö Chin yih Öich havëkö tölöök tarik, vē tököölö fālen pöri nö havöötö ellōnre.

T. MĀKÖS 2:17 Referans Kwoze

T. LŪKÖS 15:7

Ngö ṙô chin tö yīö, Ngatī ṙanāmölōn min nö el halīöngö i ngòh töhĕng taka tököölö fālen, mahavöötö ellōnre; mööḵlö tö yip tö machūötör anāi machūötör tölöök tarik, yip tö rö-öv nö hòṅ havöötö ellōnre.

T. LŪKÖS 19:10

Pò ngòh Kūön Tarik nö yih nö chöh, ane inrē hayööken töchatngen.

Isayā 55:7

Hökngen ngam tötlöök nö ṙāngö ngam talöököre, ngam tarik inrē tötchiplö ellōn nö ṙāngö ellōnre: hökngen ò nö havantöre nö i ngam Mā Tēv, hòṅ ò nö aṙē-ĕlōn tö ò; havantöre inrē nö pōyen tī nö aṙē-ĕlōn tö ò; havantöre inrē nö im Tēv hī, hòṅ ò nö pōyen tī nö aṙē-ĕl.

T. YÔHAN 9:40

Ngaich ngö ṙô tö Ò, yik rēvre Feresī, hamang në ṙô Ò, Öt meuk öi ihö inrē?

T. LŪKÖS 15:10

Ngö ṙô chin tö yīö ngati ap ṙanāmölōn i kūö yip ma-ahānga ngam Tēv, i ngòh tö hĕng tak tököölö fālen mahavöötö-ellōnre.

T. LŪKÖS 15:29

Ngaich ngö ṙô ò nö sap ṙô ök yöng re, Yĕh meuk tum samyeūheu chu halanṙen meh; öthĕngheuh öich öthang chöngö meh. Ngaich me-eṅ öthĕngheuh kē-ĕkūö chu tö kun pököre; hòṅ chu öre haṙamlōnre holtö holre.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

Isayā 1:18

Tā-ih, töi ve-ekūöre, ṙô ngam Mā Tēv: pòrô nup tökööl yīö nö sā töngāṅvö elmat, ngaich anū-ö min nö isoh sā tökënngöre tacham; pòrô anū-ö min nö turë sā tököinyö mat laturë, sā sanôi sīṅp min anū-ö.

INLAHEN 20:21

Hameukhömat yip Yahūti chin, Tahëng Mihëṅṙö inrē tö ngam invöötö ellōn tökū-ötö im Tēv, ngam mikah inrē im Mā hī, Yēsū Kristū.

T. LŪKÖS 16:15

Ngaich ngö ṙô Anga-aṅ tö cha, Yī-ö yin mahalöököre i kūö tarik; akahalōn pöri ngam Tēv tö ellōn yīö. Pò ngih töhapōilöng nö i tarik, nö tösōḵovö nö i kūö ngam Tēv.

T. MËTIV 18:10

Uh yin hĕng tak hayëḵngen tö vē kun kūöṅnö; ngö ṙô Chin tö yīö, tö yip ma-ahānga cha, el halīöngö, nö örheūheu nö hatīönkökūö ngam Yöng Chu el halīöngö.

INLAHEN 26:20

Ngaich öich ahangkö yip aṅ Tāmāskös urĕh, i Yerūsalem, keuheūtngöre chūök i panam Yūtā, i yip Tahëng Mihëṅṙö inrē; hòṅ cha nö havöötö ellōnre, havöötö kūöre inrē nö im Tēv; la-evṙen inrē tö nup la-en invöötö ellōn.

T. YÔHAN 9:34

Ngaich ngö ṙô cha-a, nö sapṙô ò; Höng töfötnyu man me-eṅ i tökööl; ngaich öm haköpten ih hòng? Ngaich ahōngen ò cha-a, nö ṙā-ang ik māṅre.

YERIMIĀ 17:9

Tulöng michīl an ngam ellōn tö taṙòkhöre öt kôlò takô inrē; chiāp tökô nö akaha elmat tö e?