T. MĀKÖS 2:13 - TÖHET LĪPÖRE (Re-edited) Bible (BSI)

¹³ Hēk Ang Yēsū nö chuh kūö mai, ngaich ṙòkhöre yik tömaṙôngö nö chuh in Ò; ngaich haköpten cha Anga-aṅ.

T. MĀKÖS 2:13 Referans Kwoze

T. MĀKÖS 4:1

Hēk Anga-aṅ nö haköphöti nö i kūö mai, ngaich maṙôngö takô yik mahamūlöre nö in Ò. Lökten Ò nö yôklö nö ël kupòk; ūichngöre ngaich nö ël ò, nö ël mai, Höng i kūö mai yik tömaṙôngö, nö el tanyô.

T. LŪKÖS 21:38

Ṙòkhöre më tarik nö ka-euilökūö nö yihtöre nö el ngam töhet chūök, nö hang ṙô Ò.

T. LŪKÖS 19:48

Ngaich öt kôtökūö cha-a tö tīre; pò më tarik nö havīlen Ò, nö hang ṙô Ò.

T. MĀKÖS 2:2

Ngaich maṙôngö yik mahamūlöre; lökten cha nö öt ōtre chūök, öt rēhĕn nöng i kūö inkūp öre. Ngaich mumkahten cha Anga-aṅ.

T. MĀKÖS 1:45

Kiröönngöre pöri anga-aṅ, kaknyöre ngaich nö ahangkö e, nö pirātngö chūök e; ngaich Yēsū nö öt kô nö hangāṅlkenre nö kuhēthötre nö i panam; höng lā-uk nö el-inchōn. Keuheūttöre lā-a lökta cha-a ngaich nö yihtöre nö in Ò.

T. MËTIV 13:1

Hē e Ang Yēsū nö kunyī-inyre nö ṙā-ang ël ök patī ngaich ūichngöre nö i kūö mai,

T. MËTIV 9:9

Hē Yēsū nö lök in e, nö kiröönngöre, hĕng tak maheuṅk Anga-aṅ tö tarik, amūichhaka nö i chūök inmul ṙāi kinëhöt chehen; Mëtiv minënyö ök. Ngaichngö ṙô Anga-aṅ tö ò, “Tömrit Chu man.” Choholre ngaich anga-aṅ, nö tömrit Ò.

T. MĀKÖS 10:1

Choholre ngaich Anga-aṅ nö ṙā-ang in e; ngaich yihtöre nö i kūöngö Yūta, lāmuh tö Yôtön inrē. Ngaich maṙôngö yik yamihtöre nö in Ò nö hēk; ngaich sāre Anga-aṅ, nö haköpten cha nö hēk.