T. MĀKÖS 2:12 - TÖHET LĪPÖRE (Re-edited) Bible (BSI)

¹² Choholre ngaich anga-aṅ; ngaich iṙūö kēḵ ök chamamre, ngaich kiröönngöre nö i kūö cha nö ṙòkhöre. Ngaich ṙòkhöre cha-a nö pingangkūö; ngaich ha-öiny ngam Tēv nö ngö ṙô, Öt hĕng heuh in meuk töngatī.

T. MĀKÖS 2:12 Referans Kwoze

T. MËTIV 9:33

Ngaich hē ngam sī-ö nö ahōṙi, kô ngaich ngam tarik nö ṙô-òvö. Pingangkūö ngaich yik tömarôngö nö ngö ṙô, “Öt hĕng heuh in meuk töngati, i Israel.”

T. MËTIV 9:8

Ngaich hē më tömaṙôngö nö meūkö e, ngaich pa-ekūö cha-a ngaich ha-öiny ngam Tēv, ngam kamëtö töngatī minhôiṅyö nö i tarik.

T. LŪKÖS 7:16

Ngaich pa-ekūö yik tömaṙôngö; ngaich ngö ṙô cha-a nö ha-öiny ngam Tēv, Hĕng taka ön ngòh yöng pròfĕt mi-in hī; meukṙen vē tarikre An ngam Tēv.

INLAHEN 4:21

Ngaich hē cha nö ṙūönyôre nö pinheṅeṅlkūö cha; ngaich hökiṙen cha-a nö kiröönngöre, öt kôtökūö töp tīre nö öt hakôlò cha, kūö tarik; pòn ṙòkhöre yik tarik nö ha-öiny ngam Tēv, pòkūö ök töngaichngen.

T. YÔHAN 9:32

Hēten tö ranehlö ngih panam, öt hĕng heuh öi hang tö hĕng tak nö löpnyukūö mat, töfötnyu nö ötmeuk.

T. YÔHAN 7:31

Maṙôngö pöri yik ṙamātö ellōnre aṅ i yik tömaṙôngö; ngaich ngö ṙô cha-a, Yē Kristū min nö yih; mööḵlö tī Öp min Anga-aṅ tö minkahngö, tö në tī ngòh tarik?

T. LŪKÖS 17:15

Ngaich hĕng tak tö cha, ök töng mameuktöre tö lanöökenre, havantöre ngaich, nö pōitô nö ha-öiny ngam Tēv.

T. LŪKÖS 13:13

Ṙātö eltīre Anga-aṅ ngaich nö in ò; ilööṙen anga-aṅ ngaich nö chiplöre; ngaich ha-öiny ngam Tēv.

T. LŪKÖS 5:26

Ngaich pingangkūö më tömarôngö; ngaich cha-a inrē nö ha-öiny ngam Tēv. Hĕnghöre tööḵlö cha-a tö pinhëṅ-eṅkūöre, ngö ṙô, Meuk tötha-eh in tötaheui.

T. MĀKÖS 1:27

Ṙòkhöre cha-a ngaich nö uṙeh; ngaich hatönöre, nö ngö ṙô. Asuh öng angu-ö? Tufömngöre inköphöti! Holtö chöngö An nö tölṙô më tötlöök sī-ö; ngaich hang ṙô Ò cha-a.

T. MËTIV 15:31

Ngaich yik tömaṙôngö nö pingangkūö, hē cha nö meuk tötkô nö ṙô-òv nö kahôka, lööken tölum, kiröönngöre tökaròk, meuk tötmeuk. Ngaich cha-a nö ha-öiny ngam Tēv Israel.

T. MËTIV 12:23

Ngaich ṙòkhöre yik tömaṙôngö nö pingangkūö, ngaich ngö ṙô,-Änga-aṅ Ang ngòh Kūön Tāvit?”

T. MĀKÖS 2:11

Ngö ṙô Anga-aṅ tök tölum, Choholre; kēḵ ngam chamamre; kuṙòh ngaich, chuh patīre; ngö ṙô Chin tö meh.