T. MĀKÖS 16:6 - TÖHET LĪPÖRE (Re-edited) Bible (BSI)

⁶ Ngaich ngö ṙô anga-aṅ tö cha, Ui pa-ekūö; chamöhö Yēsū yin, öp aṅ Nāsaret, ök töharātu. Choholre ök nö ngaich; öt ihih öku. Yĕh ngëichkö ngam chūök tī cha tö Ò.

T. MĀKÖS 16:6 Referans Kwoze

T. LŪKÖS 24:46

Ngaich ngö ṙô Anga-aṅ tö cha, Ngö kinūichngö an tö Kristū nö tökihngen; ngaich havanlöre hēk im linūöi sumkam, nö ṙā-ang yip tökapah.

INLAHEN 4:10

Akahalōn yin yēḵ ṙòkhöre, yī-ö inrē taṙòkhöre aṅ Israĕl; tö ò nö lökten i Mine-eny Yēsū Kristū aṅ Nāsaret, ngam harātö yīö, ngam töhachohlöngö tö ngam Tēv nö ṙā-ang i yip tökapah, lökten in Ò ön ngòh tarik nö sökhaka nö i kūö yīö, nö lööken.

INCHŌḴ-OṘÔ 8:17

Hāngen chin tö cha yip tö hāngen tö chu, cha-a inrē yip tö pētngen nö chöh kôtökūö tö chu.

T. MĀKÖS 1:24

Nö ngö ṙô, Asuh Öm Me-eṅ in ih, Me-eṅ Yēsū aṅ Nāsaret? Yih Ömeh Öm öthakôlò ih? Akahakūö chin tö meh; töhet Man aṅ im Tēv.

T. MËTIV 12:40

Pòn sā Yôna misī nö lūöi sumkam, lūöi mitööm inrē nö ellōn ök tökiröng kāḵ; ngatī min ngòh Kūön Tarik nö lūöi sumkam lūöi mitööm inrē, nö lataṙeū tö tumlat.

Salmai 71:20

Pōyen hameukti Man tö tökiröng kanihngen ngaich ha-aṅhaṅ ih min hēk: ngaich hēk min kēlen ih ṙā-ang lataṙeū töm tumlat.

T. MĀKÖS 10:34

Ngaich cha-a min nö hayëḵ an; kösngö elmat Ò, fohan, fëlngen Ò min inrē. Ngaich unôichrit tölūöi sumkam min Anga-aṅ nö choholre nö hēk.

T. MĀKÖS 1:27

Ṙòkhöre cha-a ngaich nö uṙeh; ngaich hatönöre, nö ngö ṙô. Asuh öng angu-ö? Tufömngöre inköphöti! Holtö chöngö An nö tölṙô më tötlöök sī-ö; ngaich hang ṙô Ò cha-a.

T. MĀKÖS 9:15

Ngaich hē yik tömaṙôngö nö meūkan, ngaich uṙeh alaha cha-a; ngaich iṙūö faltöre nö salāman.

T. MĀKÖS 14:33

Ngaich ngô-òṅ hēḵ Pītör Anga-aṅ, Yāköp, Yôhan inrē; kētöre ngaich nö pōyen ranöingö alaha, ane inrē kanihngen ellōn,

INLAHEN 2:24

Ngam töhachohlöngö tö ngam Tēv, ṙānyuvö ṙā-ang im chanökö kinpaha; pò Ò nö öt haköpö tö e.