T. MĀKÖS 16:5 - TÖHET LĪPÖRE (Re-edited) Bible (BSI)

⁵ Kuhēthötre cha-a ngaich nö ël ök anūlö; ngaich hĕng tak ök ṙāl tarik tö-isōho inyut maheuṅk cha, ūichhaka nö lahāmö. Ngaich rötlö cha-a.

T. MĀKÖS 16:5 Referans Kwoze

T. YÔHAN 20:8

Ngaich kuhēthötre ngam tahëng mahaköp, ngam mu-urĕhtö yihih nö ik anūlö; ngaich meuk anga-aṅ, ngaich ṙātö ellōnre.

T. MËTIV 28:3

Sā mineūkö hanyālö anga-aṅ isoh nuk hilā ò;

T. LŪKÖS 1:12

Röiyö alaha ang Sakariā tö matre nö meukkūö ò, ngaich nö pa-ekūö inrē.

T. MĀKÖS 9:15

Ngaich hē yik tömaṙôngö nö meūkan, ngaich uṙeh alaha cha-a; ngaich iṙūö faltöre nö salāman.

TANĪ-ĔL 10:12

Ngö ṙô ngaich anga-aṅ tö chu, Um pa-ekūö, Tanīĕl, tön löktökūö ik raneh sakāmö hē meh kētö ellōnre hòṅ akaha elmat hayāichngöre inrē i kūö gam Tēv meh, nup ṙô meh inrē nö ngaich nö hāngö, ngaich chū-ö yih, tökūö nuk ṙô meh.

TANĪ-ĔL 8:17

Yihtöre ngaich anga-aṅ nö haröhtöre nö i chūök chu sökhaka; ngaich hē ò nö yihtöre, pa-ekūö chū-ö ngaich, a fukngöre ngaich chū-ö fāthak-kūö. Ngö ṙô pöri anga-aṅ tö chu, Akaha elmat man, Ō kūön tarik, tö ngam tömeūkö nö ṙētak manāngen.

T. MĀKÖS 1:27

Ṙòkhöre cha-a ngaich nö uṙeh; ngaich hatönöre, nö ngö ṙô. Asuh öng angu-ö? Tufömngöre inköphöti! Holtö chöngö An nö tölṙô më tötlöök sī-ö; ngaich hang ṙô Ò cha-a.

T. MĀKÖS 14:33

Ngaich ngô-òṅ hēḵ Pītör Anga-aṅ, Yāköp, Yôhan inrē; kētöre ngaich nö pōyen ranöingö alaha, ane inrē kanihngen ellōn,

T. MĀKÖS 16:4

Môklökūöre cha-a, ngaich meuk ök ihong nö ngaich nö pilëôngi; tökiröng ök nö ihong.