T. MĀKÖS 16:15 - TÖHET LĪPÖRE (Re-edited) Bible (BSI)

¹⁵ Ngö ṙô Anga-aṅ tö cha; Kuṙòh; chuh i në taṙòkhöre yin panam, mumkahten taṙòkhöre tarik tö ngih tölöök inhānga.

T. MĀKÖS 16:15 Referans Kwoze

T. MËTIV 28:19

Lökten yin kuṙòh; vīten vē taṙòkhöre tarik nö mahaköp; vōkö cha i Mine-eny ngam Yöng, Kūön, Töhet Fanöinylö inrē.

T. MĀKÖS 13:10

Hòṅ urĕh pöri sin, ngam tölöök inhānga nö ahangka, nö i vē taṙòkhöre tarik.

INLAHEN 1:8

Teūngen pöri min yī-ö tö kanô-òṅ, hē ngam Töhet Fanöinylö nö i kui yīö. Ngaich yī-ö min ameūken Chu, i Yērusalem, keuheūtngöre chūök i Yūtā, Samariā, ane inrē söl ip manā-angkūö ngih pangam.

Salmai 96:3

Vënyö ngam kanôlò Ò i vē pumnāmö tarik: minë pinngangkūö la-en in vē tarik nö ṙòkhöre.

1 YÔHAN 4:14

Ngaich in ayī-ö meuk, ngaich eū-a inrē, tö ngam Yöng nö tīntö ngam Kūönre nö mahayööken ngih panam.

T. YÔHAN 15:16

Rö-ö yin yī-ö kamtöllen Chu; Chū-ö Chin kamtöllen yīö, ngaich hōten yīö kiröönngöre, öi ṙônguvö; ngaich höngngöh ngam ṙòng yīö; hòṅ nup havëkö yīö min i Mine-eny Chu, im Yöng, nö kētu nö in yīö min tö Ò.

T. YÔHAN 20:21

Ngaich hēk Ang Yēsū nö ngö ṙô tö cha, Kumchikṙen yēḵ in yīö. Sā ngam Yöng nö tīnngen Chu, ngatī Chū-ö tīnngen yīö.

KÒLÒSĪ 1:23

Yē yīö ngati urāta im mikah, ultöre ngaich köp inrē, ngaich öt ṙuhöyö tö ngam mineūka ahang yīö aṅ im tölöök inhānga, ngam tö ngaich misī nö ahangnyu nö i në taṙòkhöre tövīlöngö elkatòh ngam halīöngö; ngam lökten chu chu-ö Pôl, vītu mameukṙen.

RŌMA 16:26

Ngaich pöri töngamuh nö hameuktu, lökten i minë töhet līpöre yik pròfĕt, sā chöngö ngam tö-örheūheu-aṅ Tēv, ṙòkhöre vē tarik nö mikahtulōn nö im öt inhôngen ngam mikah:

RŌMA 10:18

Ngö ṙô pöri chu-ö; Kô aich nö öt hang? Höng rö-ö, keuheūtngöre chūök chahuhu ap ṙô cha nö ing panam: söl i manā-angkūö ngih pa- nam nup ṙô cha inrē.

Salmai 22:27

Ṙòkhöre i manā-angkūö ngih panam min nö köpölōn, ngaich havöötöre nö im Mā Tēv: ngaich ṙòkhöre min aṅ në pumnāmö tarik nö salāmö meh.

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

INMEUKHÖMAT 14:6

Ngaich chu-ö meuk öp tahëng Ma-ahānga, kiteūköre nö i ṙat ngam halīöngö, nö aṅhaṅv-in tö ngam töt chanūhuvṙen tölöök inhānga, nö ahangka nö in cha yip mī-iyöng kūö ngih panam, kö i pumnāmö tarik inrē, miyöngö, tum mi-ëlô, tarik inrē;

KÒLÒSĪ 1:6

Ngam yamih nö in yīö, sā e inrē i në taṙòkhöre panam, ṙònguvö, nö ṙuhölre; sā e inrē nö in yīö, hētentö ngam sakāmö yīö ngaich hang, akahalōn inrē, im kanô-en tö ngam inlōnti aṅ im Tēv.

EFISÖS 2:17

Ngaich yih Anga-aṅ nö ahangkö lanāmö in yīö, yī-ö tömarôvat, lanāmö inrē in cha yip töröhta:

Isayā 49:6

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

Salmai 98:3

Köpölōn An tö ngam miṙēlōn, ngam kanô-en Ò inrē nö i patī Israĕl: ṙòkhöre nup manā-angkūö ngih panam nö meuk ngam inyööken aṅ im Mā Tev hī.

Isayā 52:10

Hameuknyö ngam töhet kël re an ngam Mā Tēv nö i kūö yip pumnāmö tarik nö ṙòkhöre; söl manā-angkūö ngih tumlat yip min nö ṙòkhöre nö meuk, ngam inyööken aṅ im Tēv hī.

INLAHEN 1:2

Söl ngam sakāmö hē Ò nö kēḵlöngö; keuheūthëṙen Anga-aṅ, lökten im Töhet Fanöinylö, nö kētö chöngö yik tanīnöṙô tö katöllöngö tö Ò.