T. MĀKÖS 16:14 - TÖHET LĪPÖRE (Re-edited) Bible (BSI)

¹⁴ Unôichngöre Anga-aṅ nö meūkö tö yik tö kahuksīön taka, hē cha nö ūichhak nö nyā; ngaich Anga-aṅ nö vëkö ötmikah cha, nganëḵeṅ ellōn cha inrē; pò cha nö öt ṙātö ellōnre tö ṙô yik mameūkan, unôichrit chanôhòl Ò.

T. MĀKÖS 16:14 Referans Kwoze

1 KÒRIN 15:5

Tö ò nö meūkö tö Kīfas, ngaich hēk tö yik tö nët sīön tak.

INMEUKHÖMAT 3:19

I tum tat yip hanāngen chu, vëken cha chū-ö chökṙen cha inrē: lökten kalēḵĕ ellōn, havöötö ellōnre inrē.

T. YÔHAN 20:27

Ngaich ngö ṙô Anga-aṅ tö Tômös, Ṙēptö kuntīre man ihih; ngëichkö eltī Chu, ṙēptö tīre inrē, sëphöt tīre i elkël Chu. Um öt mikahavö; ṙātö ellōnre pöri.

T. MËTIV 11:20

Kaknyöre Anga-aṅ nö vëkö nup panam, i chūök nuk minhôiṅyö la-en Ò nö ngaichngen; pò cha nö öhavöötö ellōnre.

T. LŪKÖS 24:25

Ngaich ngö ṙô Anga-aṅ tö cha, Ō yī-ö tötakaha, tötka-eūyen ellōn öi ṙātö ellōnre i nup ṙô yik pròfĕt.

T. MĀKÖS 7:18

Ngaich ngö ṙô Anga-aṅ tö cha, Höng ngatī ötmikah el nang öi yī-ö inrē? Öt akaha elmat öi yih tö nup lamökhöt lātunyī nö i tarik, nö ötkô nö ötlöökö tī tö tarik?

T. MËTIV 17:20

Ngaich ngö ṙô Anga-aṅ tö cha, Kūö ngam kun mikahre yin. Tökô-ò ṙô Chin tö yīö, Yē öp mikah yīö öre, nöng sā ṙôngòng kun kulöl, ngaich kô-òren yī-ö ngö ṙô tö ngih rôngö, Kē-ĕngre; chuh umu-aṅ; ngaich kô-òren angū-ö nö kē-ĕngre; ngaich öthēngö, öt kanô-òṅ yī-ö.

KINṘEŪKÖ 14:11

Ngaich ngam Mā Tēv nö ngö ṙô tö Môsös, Irô-òten aich min vē tarik nö öt kūöngenre tö Chu? Irô-òten aich min inrē nö öt ṙātö ellōnre nö in Chu, nö ngaich nö pōyen nuk minkahngö tī Chu in cha?

T. MËTIV 28:17

Ngaich hē cha nö meūkan; sōntökūöre ngaich cha-a nö in Ò; rēvre yik tökatöngalōn.

T. LŪKÖS 24:11

Ngaich anū-ö nöng kintūöyöṙô tö lōn cha; ngaich cha-a nö öt haköp ṙô cha.

T. YÔHAN 20:25

Lökten yik tahëng mahaköp nö ngö ṙô tö ò, Meuk Ök Mā in īhö taheui. Ngö ṙô pöri anga-aṅ tö cha, Yē chu öt meuk chūökkūö nuk kīny eltī Ò, sëphöt kuntīre inrē i kūö nup chūökkūö nuk kīny; sëphö tīre inrē i elkël Ò, hö-ö chin hòṅ ṙātö ellōnre.

T. YÔHAN 20:26

Unôichrit töhëvhör sumkam hēk, yik mahaköp nö el patī, in cha inrē Tômös. Yihtöre Ang Yēsū höng löphakkūö nuk inkūp; söklöre ngaich nö ellōn: ngaich ngö ṙô Kumchikṙen yēḵ in yīö.

T. YÔHAN 21:1

Unôich hēk Ang Yēsū nö hameuktöre nö i yik mahaköp nö ip mai Tipēriös. Ngö inlahen Anga-aṅ nö hameuktöre;

T. YÔHAN 21:14

Linūöi heuh Yēsū an angū-ö, nö hameuktöre nö i yik mahaköp, unôichrit chanôhòl Ò, nö ṙā-ang i yip tökapah.

INLAHEN 1:3

Yik tö hameukhumat tö Ò nö aṅ, unôichrit kanihngen Ò, nö pōiyen minkahngö; meūkö tö cha nö fën anāi tum sumkam; nö ṙôtö inlahen ngam pūlngö ngam Tēv.