T. MĀKÖS 16:10 - TÖHET LĪPÖRE (Re-edited) Bible (BSI)

¹⁰ Kiröönngöre anga-aṅ ngaich, nö ve-eny nang yik mi-in Ò, i saha cha nöng haṙīvölōn, peuiny inrē.

T. MĀKÖS 16:10 Referans Kwoze

T. YÔHAN 20:18

Yihtöre ngaich Mariā aṅ Mektelā nö ve-eny nang yik mahaköp, tö ò nö meukkūö ngam Mā, tö Ò inrē nö ṙô tö në nö in ò.

T. YÔHAN 16:6

Pò Chu pöri ṙô-òv tö yīö tö në, haṙīvö ellōn yin.

T. LŪKÖS 24:17

Ngaich ngö ṙô Anga-aṅ tö cha, Asuh ön në ṙô nāṅ, an höng ve-ekūö höö tö kinröönngö nāṅ? Sökngöre cha-a ngaich nöng ūnökūö.

T. MĀKÖS 14:72

Ilööṙen ngaich nö takeūk hayöm, im innët heuh. Ngaich fē-ĕlre ang Pītör tö ṙô Yēsū tö ò, nö ngö, Lūöi heuh man min mahngen Chu, urēhĕkūö tö nët köṅny ṙô hayöm. Peuiny ngaich anga-aṅ, hē ò nö afēken u.

T. MËTIV 9:15

Ngaich ngö ṙô Yēsū tö cha, “Kô-òren aich vē hol ngam töhapīhö nö haṙivlōn, isaha ò nö in cha? Yih nup min sakāmö, hē ngam töhapīhö nö kē-ĕyö nö ṙā-ang in cha; ngaich möl cha-a min nö ahik.

T. MËTIV 24:30

Ngaich möl nö meūkö minkahngö ngòh Kūön Tarik, nö el halīöngö; ngaich ṙòkhöre min vē aṅ ngih panam nö kōköre; ngaich cha-a min nö meuk yanihih ngòh Kūön Tarik nö el taṙul ngam halīöngö, holtö chöngö, kanôlò inrē.

T. MËTIV 19:22

Hē ngam ṙāl tarik nö hang ṙô Ò, kiröönngöre ngaich anga-aṅ nö haṙīvölōn; pò ò nö töpōiyen inlānen.