T. MĀKÖS 16:1 - TÖHET LĪPÖRE (Re-edited) Bible (BSI)

¹ Keuheūthë ngam töhet sakāmö, ngaich hēḵ Mariā aṅ Mektelā, Mariā yöng Yāköp, Salōmī inrē, nö havah tötahūsa; pòn hòṅ yihtöre cha-a nö hacham alaha Ò.

T. MĀKÖS 16:1 Referans Kwoze

T. LŪKÖS 23:56

Havantöre cha-a ngaich; ngaich halēnken tötahūsa tavi-i. Heūheure cha-a ngaich im töhet sakāmö, nö sā ngam chöngö.

T. MĀKÖS 15:40

Kikānö yik umuh inrē, töng marôvat nö meuk; in cha hēḵ Mariā aṅ Mektelā, Mariā ök yöng Yāköp tökūöṅnö, yöng Yôsĕs inrē, hēḵ Salōmī.

T. YÔHAN 19:31

Inlēnken angū-ö, lökten yik Yahūti nö sōtö nuk alaha cha nöngngöh nö i rōi nuk töhakālö, hē ngam töhet sakāmö, pò ngam töhet sakāmö nö tökiröng nö sakāmö. Ngaich ve-ekūö Pailĕt nö hōtö nuk kalröön cha nö liköli, ngaich kē-ĕyö cha-a.

T. YÔHAN 19:25

Sökhaka nö umuh, nö ranghö ök töhakālö Yēsū, ök kikānö yöng Ò, ök kahëm ök kikānö yöng Ò kikānö inrē, Mariā ök pihö Klopas, Mariā aṅ Mektelā inrē.

T. MĀKÖS 16:8

Kunyī-inyre cha-a ngaich; ngaich falngöre nö ṙāngö ök anūlö, Ötṙô-òv cha-a nö i inrē; pò cha nöng kichëyöre, pingangkūö inrē; nö pa-ekūö.

T. MĀKÖS 15:47

Meuk chūök ṙinātö Ò, nāṅ Mariā aṅ Meketelā, nāṅ Mariā yöng Yôsĕf inrē.

T. MĀKÖS 14:8

Tö teūngen an ip tölngöre. Mu-urĕhtö tīre an nö fòh alaha Chu, tö ngam i nulngö Chu.

T. MĀKÖS 14:3

Ṙòngmö i Petenī Anga-aṅ, nö i patī Sīmōn, ök töyeūnyu, ngaich hē Ò nö ūichhak nö nyā; hĕng tak ngaich ök kikānö tö hēngö kum tö ihong pilön tötahūsa töpōi ṙāi. Likuknyökūö e ngaich anga-aṅ; ngaich ṙöhtö e nö i kui Ò.

2 KINṘÖTNGÖ 16:14

Lāpngen ò cha-a ngaich nö el ök anūlö ahulhöt ò nö el ök panam Tāvit. Ṙātu anga-aṅ nö el chūök kupah ök tö hatöölöng aṅ tö töṙōlkangen tötahūsa töhalēnö tö yip töhuveū vamī tötahūsa; kiröngö vahī cha-a ngaich tö tameūyö nö ineū-euṅ ò.

T. LŪKÖS 23:54

Ngaich angū-ö nö sakāmö inlēnken; ngaich röhten ngam töhet sakāmö.

T. MĀKÖS 15:42

Hē e nö ngaich nö harap, pò e nö inlēnken nö sakāmö, urēhĕkūö ngam töhet sakāmö;

Ranehlö 50:2

Ngaich Yôsĕf nö tölṙô yik kūön alahare yik lamë-en tövahavö nö fòh alaha Israĕl, tö pām,

T. MĀKÖS 16:2

Ka-euilökūö ngaich im raneh sakāmö minë tö sat sumkam, ngaich cha-a nö ik anūlö, hē ngam tavūöi nö meutlö.

T. LŪKÖS 24:1

Ngaich im mu-urĕh sakāmö ngam sinat sumkam, ka-euilö kūö tö peuheū cha-a nö yihtöre nö ik anūlö, kumtö nuk tötahūsa töhalēnö tö cha.