T. MĀKÖS 15:45 - TÖHET LĪPÖRE (Re-edited) Bible (BSI)

⁴⁵ Ngaich hē ò nö akahalōn tö e, kūö ṙô ök yöngṙen kumyung; kētö ök alaha anga-aṅ ngaich, nö in Yôsĕf.

T. MĀKÖS 15:45 Referans Kwoze

T. YÔHAN 19:38

Keuheūthëṙen anū-ö ngaich Yôsĕf aṅ Arimatiā, nö havëtôre nö in Pailĕt, pòn hòṅ kēḵngö ök alaha Yēsū; ök mahaköp nö in Yēsū, höng ulāikenre pöri, pòn pa-ekūö tö yik Yahūti Ngaich Pailĕt nö halöngten ò. Kēḵngö ök alaha Ò ngaich anga-aṅ.

T. MĀKÖS 15:39

Ngaich hē ök yöngṙen kumyung nö meūkan nö ngatī kinpaha, ök töng samökhak nö ranghen Ò; ngaich ngö ṙô anga-an, Kô Ön ngòh tarik nö Kūön ngam Tēv.

T. MËTIV 27:58

Chuh in Pailĕt anga-aṅ nö havëkö ök alaha Yēsū. Ngaich Pailĕt nö hōtö kinëtö e nö in ò.

T. MĀKÖS 15:44

Uṙeh alaha ang Pailĕt tö Ò nö ngaich nö kapah; ngaich havëtö ök yöngṙen kumyung, hatönan ngaich, yē Ò nö rĕh rô-angen nö kapah.

T. MĀKÖS 15:46

Ngaich anga-aṅ nö havah hilā; kēten Ò ngaich, ngaich haṙūngan nö el hilā; ṙāten Ò ngaich nö el anūlö, ök töhulhötvö nö el ihong. Pilëôngtö ihong anga-aṅ nö i kūö ök anūlö.