T. MĀKÖS 15:34 - TÖHET LĪPÖRE (Re-edited) Bible (BSI)

³⁴ Ngaich im tö lūöi köṅny ṙô Yēsū nö pōitô, nö ngö ṙô, Ēli, Ēli, lāma sapaktānī; ngam tö ngö manah, Tēv Chu, Tēv Chu, kūöyòh Öm ṙāngen Chu?

T. MĀKÖS 15:34 Referans Kwoze

Salmai 22:1

Tēv chu, Tēv chu, kūöyòh öm ṙāngen chu? Kūöyòh öm marôvat töm hinòlṙen chu, i minë ṙô chu ayôṙa inrē?

T. MËTIV 27:46

Ngaich im tö lūöi köṅny ṙô, Yēsū nö pōitô nö hūḵa nö ngö ṙô Ēli; Ēli lama sapaktani, ngam tö ngö, Tēv Chu, Tēv Chu, Kūön yòh Öm ṙāngen Chu?

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

Salmai 27:9

Uh man yēḵ hayunngö kūöre tö chu. Un ṙā-ayö ngòh tarik meh nö im lanīnö: töha-ehelkui man holṙen chu. Uh chin yēḵ kavāli ma-rôvat, Ō Tēv inyööken chu, uh rēhĕn öich ṙa-ayö!

Salmai 71:11

Nö ngö ṙô, ṙā-ayö an tö ngam Tēv: fachūran, kē an; matön öt hĕng tak ṙamānyö.

TANĪ-ĔL 9:21

Hē chu ṙònghöichṙô vë-ekūötēv, ngaich ök tarik Kēprīĕl, ök maheuk chu ik tö meūkö lā urĕh, nö yihtöre nö in chu nö yit nö kiteūtöre tö harap i ṙētak tökētuvö.

Isayā 41:17

Chöh mak öp yāich öp tö hāṅten inrē ngaich rö-övö angū-ö, kavôṙa litāk cha-a ngaich kūö yanālöre; ngaich chū-ö min samap ṙô cha öich Mā Tēv, chū-ö Tēv Israĕl min öich öt ṙāngen cha.

Salmai 42:9

Ngö ṙô chin tö ngam Tēv ihong chu, Kūöyòh öm vaichngö tö chu? Kūöyòh öich höng harīvölōn tökūö inkihtenre tö vē lā-alre?

INLAHEN 10:3

Hĕng taka ök ma-ahānga aṅ im Tēv tölöökö mineūkö tö ò, nö yihtöre nö in ò, ik tö lūöi köṅny ṙô tö harap; ngaich ngö ṙô tö ò, Kòrnēli.

T. LŪKÖS 23:46

Ngaich hē Yēsū nö pōitô nö ngö ṙô, Kayöngö eltī Meh tī Chin kētö ngòh ma-alahare. Keuheūthëṙô Anga-aṅ tö e, ngaich kapah.

T. LŪKÖS 23:44

Ngaich lohten nö nët sīön köṅny ṙô chalôḵ ngaich ök yöng singūlö, nö i minë taṙòkhöre panam, söl i tö lūöi köṅny ṙô; öt mātu ngam tavūöi.

INRĀMÖRE 5:20

Kūöyòh öm urāḵngen vaichngen ih, kūöyòh öm ngatī rô-òten ṙāngen ih?

INRĀMÖRE 1:12

Öt lökngöre öi yī-ö, ṙòkhöre yī-ö lamök ngö umuh? Ngëicha meuk inrē yĕn tö ngatī-iv miṙivlōn nö sā miṙivlōn chu ngam tökētu nö i kui chu, ngam tī ngam Mā Tēv ik sakāmö tökiröng tanānyö ò.

T. MËTIV 27:45

Löktökūö im tö nët sīön köṅny ṙô ök sinngūlö nö i minë panam, söl im tö lūöi köṅny ṙô.

T. MĀKÖS 15:25

Machūötöre köṅny ṙô angu-ö tö peuheū, hē cha nö harāten Ò.

T. MĀKÖS 15:35

Rēvre yik mi-i yik töng sökhaka, tö ngö ṙô, hē cha nö hāngö e, Yĕh meuk, havëken Ēlaicha An.