T. MĀKÖS 15:32 - TÖHET LĪPÖRE (Re-edited) Bible (BSI)

³² Hökngen Kristū, ngam Rāchakūö Israĕl, nö yônti töngamuh, nö ṙā-ang rōi ngam töhakālö; hòṅ hī meuk, ṙātö ellōnre inrē. Sumrōngngökūö Ò inrē nak töharātu nö hol Ò.

T. MĀKÖS 15:32 Referans Kwoze

T. MËTIV 27:44

Ngatī ṙô inrē nak tötūmu, töharātu nö hol Ò, nö sumrōngngökūö Ò.

2 TIMÒTĪ 2:18

Tarik tö lō-ongkūö tö ngam tökô-en, vënyö ngam invanlö tökapah nö ngaichngen, ngaich tiṙōlngö mikah yip rīkre.

T. MËTIV 1:17

Lökten ngam tumkölchap, löktökūö Aprahām, söl in Tāvit, nö fënsīön; löktökūö Tāvit, söl ngam kinlēḵngô i Pēpilön, nö fënsīön kölchap; löktökūö ngam kinëḵngö i Pēpilön, söl in Kristu, nö fënsīön kölchap.

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

SEFAINIĀ 3:15

Ngaich ön ngam Mā Tēv nö kēngö minë inkaha fālen nö ṙā-ang in meh, ngaich an nö kavalngö ngam lā-al meh: ngam rācha aṅ Israel ngam Mā Tēv, ellōn meh ana; ngaich man öt ōtren pinhë-eṅkūö tö tötlöök.

Isayā 44:6

Ngö ṙô An ngam Mā Tēv, ngam Rācha Israĕl ngam Mā Tēv yip tömaṙôngö Ṙamānyen ò, Chū-ö chin raneh, chū-ö inrē manā-aṅ; öt hōlu chin tö tahëng tēv.

RŌMA 3:3

Pòyòh yĕn rēvre töt mikahavö? Ngaich ngam hanāten cha hòng nö im mikah, nö öt kanôlòvö tī tö ngam kanô-en ngam Tēv?

T. YÔHAN 12:13

Kēḵ rōi kachūr cha-a ngaich; ngaich kiröönngöre nö höngkūö Ò; ngaich ngö ṙô, nö pōitô, Hōsanna, tökôlò An ngam yamih nö i Mine-eny ngam Mā Tēv, ngam Rācha Israĕl.

T. YÔHAN 1:49

Ngaich Netenīĕl nö ngö ṙô tö Ò. Rappī; Kūön ngam Tēv Man; Rāchakūö Israĕl Man.

T. MĀKÖS 15:26

Ngaich kūichiyö nö i kui Ò, nuk vine-eny fālen Ò, nö ngö Ngam Rāchakūö Yahūti.

T. MËTIV 27:42

Hayööken tahëng An; ötkô Anga-aṅ nö hayöökenre. Rāchakūö Yahūti An; hökngen Ò yēḵ nö yônti, nö ṙā-ang rōi ngam töhakālö; ngaich möl min ayī-ö ṙātö el lōnre in Ò.

T. MĀKÖS 15:27

Nët tak nak tötūmu hol Ò nö harātu, hĕng tak lahāmö, hĕng tak latavē inrē.