T. MĀKÖS 15:26 - TÖHET LĪPÖRE (Re-edited) Bible (BSI)

²⁶ Ngaich kūichiyö nö i kui Ò, nuk vine-eny fālen Ò, nö ngö Ngam Rāchakūö Yahūti.

T. MĀKÖS 15:26 Referans Kwoze

T. MËTIV 27:37

Ngaich i kui Ò, ök vine-eny fālen fālen Ò nö kūchiyö, nö ngö, Rāchakūö vē Yahūti Ön ngòh.

T. MËTIV 2:2

“Isuh Ap töfötnyu Rāchakūö Yahūti? Tön meuk ngam taneūsömat Ò in, lā chuhöt; ngaich yihtöre öi salāman.”

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

T. MĀKÖS 15:2

Ngaich hatönan Pailĕt, nö ngö ṙô, Rāchakūö Yahūti Öm Me-eṅ? Ngaich ngö ṙô Anga-aṅ nö sapṙô ò, Kô-ò ṙô man.

Isayā 10:7

Hö-ö pöri anga-aṅ nö hòṅ ngatī tī, öt rēhĕn öp ellōn ò nö ngatī, ellōn ò pöri angū-ö ngam tinṙōlhanga, rinökngen pumnāmö tarik inrē öt kūöṅ nen.

INCHŌḴ-OṘÔ 21:1

Töhëm an nö mak ngam ellōn ngam rācha eltī ngam Mā Tēv; havēngökūö e an i kū-ö lōn ò.

Salmai 2:6

Ha-ūichlö ngam rāchare chin sönen: i kui ngam töhet rôngö Siyôn.

Isayā 46:10

Vënyö öp manā-aṅ löktökūö ök ranehlö, löktökūö nuk misī hēk nup tö-öl inrē an ngam inlēnö aṅ in chu, hateungngö nup chööḵnyöre chin min:

I. CHÖNGÖ 23:5

Ngaich pöri ngam Tēv ngam Mā Tēv meh nö öt hang ṙô Pēlam; havāngtö ngam rinūtngen pöri ngam Tēv meh ngam Mā Tēv nö inkôlò meh, pòn hāngenlōn ngam Tēv ngam Mā Tēv meh tö meh.

Salmai 76:10

Ha-öinyö Meh ap min lanīnö tarik nö kô-en: nyëk ngam chööḵ lanīnö min Më-eṅ i ṙat re.

T. MĀKÖS 15:27

Nët tak nak tötūmu hol Ò nö harātu, hĕng tak lahāmö, hĕng tak latavē inrē.

T. MĀKÖS 15:32

Hökngen Kristū, ngam Rāchakūö Israĕl, nö yônti töngamuh, nö ṙā-ang rōi ngam töhakālö; hòṅ hī meuk, ṙātö ellōnre inrē. Sumrōngngökūö Ò inrē nak töharātu nö hol Ò.