T. MĀKÖS 15:19 - TÖHET LĪPÖRE (Re-edited) Bible (BSI)

¹⁹ Fohtö kui Ò cha-a ngaich, nö aṅtītö ök tafūyö, kösngö elmat Ò inrē, simtö kuikinmônöre, nö salāman.

T. MĀKÖS 15:19 Referans Kwoze

T. MĀKÖS 14:65

Ngaich rēvre yik kamösngö elmat Ò; nyëkngömat Ò inrē, ngaich ngö ṙô tö Ò, Ve-eny Man. Ngaich yik tösökhaka inrē nö fōhan.

HEPRĀI 13:13

Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

FILIPĪ 2:10

Hòn i Mine-eny Yēsū në kui kinmônö nö simngöre, nö ṙòkhöre, nup aṅ elhalīöngö, aṅ el tumlat, aṅ lātaṙeūḵ töng tumlat inrē:

RŌMA 11:4

Ngaich sitih ṙô ngam Tēv nö sapṙô Ò? Sat köiny yip tarik ṙahātö chu, yip töt sāmimtö kui kinmônöre nö i kūö Pē-al.

T. LŪKÖS 23:36

Ngaich yik kumyung inrē nö hayëḵngen Ò yihtöre nö in Ò, nö kē-ĕkūö Ò tö ök töhikīölhu vāin;

T. LŪKÖS 23:11

Ngaich Herôt, yik kumyung inrē, nö hayāichngen Ò, hayëḵngen Ò, hayutlen Ò inrē tö ök tövai inyut. Ngaich tīnngen Ò nö hēk nö in Pailĕt.

T. LŪKÖS 22:63

Ngaich yik tarik, yik kamëken Yēsū, nö hayëḵngen Ò; fohan inrē;

T. MĀKÖS 10:34

Ngaich cha-a min nö hayëḵ an; kösngö elmat Ò, fohan, fëlngen Ò min inrē. Ngaich unôichrit tölūöi sumkam min Anga-aṅ nö choholre nö hēk.

T. MĀKÖS 9:12

Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?

MAIKA 5:1

Ngaich man hamūlöre sā manūlö kumyung, Ō me-eṅ kikānö kūön yip tömūl kumyung: kayīngö hī an nö lā-al hī; fël ök ma-akah fālen yin min in Israel aṅtī tö tinkung i arëkūö.

Isayā 52:14

I ṙôngö yip töpingangkūö nö in ò, höng yô-òv mineūkö anga-aṅ, öt rahëichyen nö sāta nö i tarik, lāngö höng yanô-òv inrē tö vē kūön tarik,

Isayā 50:6

Kētö uk re chin in yip famòh, tameuk sanôi samā; hö-ö chin hanyatngökūöre tö sumrōngkūö öt rēhĕn i kinösngö elmat.

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

Isayā 45:23

In re ṙô chin chūökuṙô, ngaich ök ṙô nö ṙā-ang elvāng chu im lanöökö, ngaich öt havan min, hòṅ ṙòkhöre në kui kinmônö nö simtöre nö in chu, ṙòkhöre inrē litāk nö chūökuṙô min.

Salmai 69:12

Ṙôten chu chā-a yip amūichhak nö i kūö inkūp: tinkökö mihiyōi chin inrē.

NGAM LĪPÖRE YŌP 13:9

Tölöök öng min nö in meh yē ò nö chöhö meh? Hēk kô öm hapūten ò, sā öp mahapūtö tarik?

1 RĀCHA 19:18

Sön min nö sat köṅny yip in Israĕl ṙahātö chu, yip töt samimtö kui kinmônö re nö in Pēal, nup minuh inrē töt hamām kūö.

Ranehlö 43:28

Ngaich ngöṙô chā-a, Lööken öp yöng ih, öp kūön alaha öp yöng ih, öp kūön alaha meh, ṙòngmö aṅ ap. Sōnngö kui re chā-a ngaich, ngaich salām.

Ranehlö 24:52

Chalô tö e, hē ngam kūön alaha Aprahām nö hang minë ṙô cha, sōntökūöre ngaich anga-aṅ nö i ngam Mā Tēv nö el tumlat.

T. MËTIV 27:30

Kösngö elmat Ò cha-a ngaich; kētam tök tinkung, ngaich fohtö kui Ò.

T. MĀKÖS 15:18

Kētöre ngaich nö salāman, nö ngö ṙô, Salām, Rāchakūö Yahūti.

T. MĀKÖS 15:20

Keuheūthëṙen ngaich cha-a nö hayëḵngen Ò, ngaich luhngö ök töngāvömat inyut Ò, ngaich hayutlen Ò tö nuk inyut Ò. Hachōḵngen Ò cha-a ngaich, nö harātu.