T. MĀKÖS 15:14 - TÖHET LĪPÖRE (Re-edited) Bible (BSI)

¹⁴ Ngaich Pailĕt nö ngö ṙô tö cha, Kūöyòh? Asuh ap tötlöök fālen Ò? Ṙūönyôre pöri cha-a nö ngö ṙô, nö hūḵa, Harāten Ò.

T. MĀKÖS 15:14 Referans Kwoze

T. LŪKÖS 23:41

Kô an ayā-a teūngen tö nuk la-enre; öt törahëichyen falngen pöri ngòh tarik.

1 PĪTÖR 1:19

Ṙāitö mahām pöri töpōi ṙāi tö sā öp pököre öre töt chanôchu töt mirūnuvö inrē, ngam mahām Kristū.

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

INLAHEN 19:34

Hē cha pöri nö akahalōn tö ò nö Yahūti, ṙòkhöre cha-a nö hĕng tum ṙô nö hūḵa, nët köṅny ṙô rô-òten, nö ngö ṙô, Yöng ṙôkö Arētmis, aṅ Efisös.

T. YÔHAN 19:6

Ngaich hē më mākūö kūönṙô, yik tösökhak inrē, nö meūkan, ngaich hūḵa cha-a nö ngö ṙô, Harāten Ò! Harāten Ò! Ngaich ngö ṙô Pailĕt tö cha, Kahngenre yin kēḵ An, harāten Ò ngaich, tön rö-ö chin kanôtukūö tö falngen in Ò.

T. YÔHAN 18:38

A Ngaich ngö ṙô ang Pailĕt. Asuh öng ngam kanô-en? b Keuheūthë ṙô anga-aṅ tö e; ngaich kunyī-inyre nö hēk nö i yik Yahūti; ngaich ngö ṙô tö cha. Öt maheūṅku chin tö falngen in Ò.

T. LŪKÖS 23:47

Ngaich hē mat ngam yöngṙen kumyung nö meuk töngati, ngaich ha-öiny ngam. Tēv anga-aṅ, nö ngö ṙô, Kò Ön ngòh tarik nö tökô-en.

T. LŪKÖS 23:21

Ngaich pöri cha-a nö hūḵa, nö ngö ṙô, Harāten Ò; harāten Ò.

T. LŪKÖS 23:4

Ngaich ngö ṙô Pailĕt tö yik mākūö kūönṙô, yik tömaṙôngö inrē, Rö-ö chin kanôtukūö tö falngen i ngòh tarik.

T. MËTIV 27:54

Ngaich ök yöngṙen kumyung, yik hol ò inrē, nö aṅten Yēsū; hē cha nö meuk ök kumyeūnö, nuk töngaichngen inrē, ngaich pōyö pinhe-eṅkūö, ngö ṙô, Kô Ön ngòh, nö Kūön ngam Tēv.

T. MËTIV 27:19

Ṙòngmö ūichhaka anga-aṅ nö el chūök kamhôṅka, ngaich ök pihö ò nö tīnhanga nö in ò, nö ngö ṙô, Uh man kanahnguṙen tö tīre ip tölöök tarik; tön heūvkūö Ò chin amòh, ngaich öich höng ötkuchīkö ellōn.

T. MËTIV 27:4

Ngö ṙô pöri cha-a, Asuh öng angū-ö nö in ih? Kahngenre man me-eṅ tö e.

Isayā 53:9

Holtöṙah tötlöök anga-aṅ tö tī cha nö el anūlö holtö tarik pöri tökôlò im kinpaha ò, pòrô anga-aṅ nö öt chökhuṙen öt rēhĕn nö aṅhav elvāng tö inchīlö.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

Salmai 69:4

Pōyen yip tö keūyö elkui chu, yip töt chöönyu nö surīkhen chu: kalēḵ cha-a yip töhòṅ rökngen chu, yip tökunyaha-elmat tö chu, samūöcha; ngaich chū-ö havantö nup töt kahëre.

T. MĀKÖS 15:13

Harāten Ò, ngö cha-a, nö hēk,

T. MĀKÖS 15:15

Ngaich Pailĕt nö ṙānyen Pārapas nö in cha, pò ò nö hòṅ hakô-ònglōn yik tömaṙôngö; ngaich kēten Yēsū nö harātu, tö kinheūṅtö tī ò nö fōhan.

INLAHEN 13:28

Ngaich pòrô cha-a nö öt kôtökūö tö lökngen kinpaha Ò; ngaich ve-ekūö Pailĕt cha-a, nö hōtö finëlngö Ò.