T. MĀKÖS 14:54 - TÖHET LĪPÖRE (Re-edited) Bible (BSI)

⁵⁴ Ngaich Pītör nöng tömkörit Ò nöng marôvat, söl latuhēt nö el patī ök mākūö kūönṙô. Ūichhaka anga-aṅ ngaich nö i yik tösökhaka; nö hameūyöre nö i kūö tameūyö.

T. MĀKÖS 14:54 Referans Kwoze

T. YÔHAN 18:18

Ngaich yik mahalanṙen, yik tösökhak inrē, nöng sökhaka, hameui tameūyö tö ta-ök; pò e nö laneūchö. Ngaich hameūyöre cha-a; in cha inrē ang Pītör nö sökhaka, nö hameūyöre.

T. MËTIV 26:3

Ngaich hamūlöre yik mākūö kūönṙô, tö yik mākūö yik tarik inrē, nö el patī ök mākūö kūönṙô, tö Kaifas invëka.

T. YÔHAN 18:25

Höng sökhak ang Pītör nö hameūyöre; ngaich ngö ṙô cha-a tö ò, Röh öm me-eṅ inrē, mahaköp in Ò? Mahangre ngaich anga-aṅ, nö ngö ṙô, Rö-ö Chin Chū-ö.

T. LŪKÖS 22:44

Rūönyöṙôre Anga-aṅ nö ve-ekūötēv, kūö Ò nö kihngen ellōn, ngaich nuk vang Ò nö sā töpōyen kintaktö mahām, nö el tumlat.

T. MĀKÖS 14:38

Aṅhaṅti yin, ve-ekūötēv inrē, hòṅ yīö öt im kanihngen. Hōḵ takô ön ngòh ma-alaha; öt kalēḵ pöri ngih alaha.

T. MËTIV 26:58

Tömkörit Ò ang Pītör nöng marôvat, nö tölngö i patī ök mākūö kūönṙô ngaich kuhēthötre. Ūichngöre ngaich nö i yik tösökhak, nö ngëichkö öp manāngen.

1 RĀCHA 19:13

Ngaich ngö inlahen angū-ö, hē Ĕlaicha nö hāngö e, haṙungngö kūöre ngaich anga-aṅ tök kinṙum re ngaich kunyī-inyre, sökhak ngaich nö i kūö ök kinluhu, Ngaich, Yĕh meuk, yihtöre ök ṙô nö in ò, nö ngö ṙô, Ĕlaicha, suāp la-en meh ihih?

1 RĀCHA 19:9

Yih ngaich anga-aṅ nö umuh ik töhĕng kinlūhu, ngaich iyöng umuh; ngaich, Yĕh meuk, yih ngam ṙô ngam Mā Tēv nö in ò, Ngö ṙô anga-aṅ tö ò, Ĕlaicha, suh ap la-en meh ihih?

1 SAMUĔL 13:7

Ngaich rīkre yik Hīprū mahavāngngöre tö Yôtön i panam Kāt Kilīöt inrē; ṙòngmöng i Kilkāl pöri ang Sôl, kichëyöre yik tarik nö ṙòkhöre nö tömrit ò.

T. MĀKÖS 14:66

Ngaich pītör nö i taṙeūk nö el urôhò; hĕng tak ngaich ök mahalanṙen mākūö kūönṙô kikānö, nö yihtöre;

T. LŪKÖS 22:54

Ngaich cha-a nö kēḵ An, ngaich tūökngen Ò nö kēten Ò nö i patī ök mākūö kūönṙô, Tömörit tö Pītör nöng maṙôvat.