T. MĀKÖS 14:41 - TÖHET LĪPÖRE (Re-edited) Bible (BSI)

⁴¹ Ngaich yihtöre Anga-aṅ im linūöi heuh, ngaich ngö ṙô tö cha, Heūheure yin; iṙuhö mat haṙòh. Ngaichchö; sölta an ngam ṙētak nö ngaich, Yĕh meuk, ngòh Kūön Tarik nö kē-ĕyö nö eltī tököölö fālen.

T. MĀKÖS 14:41 Referans Kwoze

T. MĀKÖS 14:35

Rĕh rô-òlkūö Anga-aṅ nö kiröönngöre, afukngöre ngaich nö el tumlat; ngaich ve-ekūötēv, yĕn kô ngam ṙētak nö chööḵngen Ò.

T. MĀKÖS 9:31

Pò Ò nö haköptö yik haköptöre, nö ngö ṙô tö cha, Kētu Ön min ngòh Kūön Tārik, nö eltī tarik; ngaich fëlngen Ò min cha-a. Keuheūthëṙen finëlngö min Anga-aṅ, ngaich choholre hēk, unôichrit tö lūöi sumkam.

T. YÔHAN 17:1

Anū-ö në ṙô Yēsū; ngaich môklökūöre nö el halīöngö nö ngö ṙô, Kayöngö yih an ngam ṙētak. Hapōilö ngam Kūönre Man; hòṅ ngam Kūön nö hapōilen Meh.

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

T. YÔHAN 12:27

Haṙīvö ellōn Chin töngamuh. Sitih inlahen Öich min? Kayöngö; laklen Chu i ngih ṙētak.

T. YÔHAN 12:23

Ngaich ngö ṙô Yēsū tö cha, Yih an ngam ṙētak, hē ngòh Kūö Tarik nö hapōilöngö.

T. YÔHAN 8:20

Anū-ö ṙô Ò nö el chūök tökētuvö, hē Ò nö haköphöti nö el ök töhet chūök. Ngaich öt tarīku kamëḵ an; pòn öl tö yihih ök ṙētak Ò.

T. YÔHAN 7:30

Ngaich hòṅ kēḵ An cha-a; öt tarīku pöri lamūöltö tīre nö in Ò; pòn öl ngam ṙētak Ò nö yih.

T. MĀKÖS 14:18

Ūichngöre ngaich cha-a nö nyā; ngaich Yēsū nö ngö ṙô tö cha, Hĕng taka ap min tö yīö, kamëḵngen Chu, öp nyamā nö holkūö Chu.

T. MĀKÖS 14:10

Ngaich ang Yūta Iskaryôt, öt töhĕng tak aṅ i yik tö nët sīön, nö chuh i yik mākūö kūönṙô, pòn hòṅ kēten Ò anga-aṅ, nö in cha.

T. MĀKÖS 7:9

Ngaich ngö ṙô Anga-aṅ tö cha, Kô-òngrit yin sōḵo chöngö ngam Tēv, pò yīö hòṅ haköp fālenre.

T. MËTIV 26:2

Akahalōn yin töp paska nö nët töre sumkam; ngaich ngòh Kūön Tarik min nö kētu nö haṙātu.

ISIKĪ-ĔL 20:39

Yī-ö pöri, Ō patī Israel, ngö ṙô an ngam Mā Tēv: Kuṙòh kö lök la-en insātēv re yin, töngamuh unôichrit ngih inrē, yē yīö min öt hangṙô chu; hö-ö pöri yī-ö kô hēk hachōichngö ngam minë-eny chu i nup kahëtö yīö i minë insātēv yīö inrē.

Mumkahten 11:9

Ṙāmölōn Ō ṙālö tarik im inyālö meh, hökngen ap ellōn meh inrē nö ahôlen meh i nuk sakāmö inyālö meh; lök el talöökö lōn re man i mineūkö tö ngam elmat meh inrē, Akahalōn pöri tö u anū-ö nö ṙòkhöre ngam Tēv min nö kēten meh nö im kinṙôka.

2 RĀCHA 3:13

Ngaich ngö ṙô Ēlāisa tök rācha aṅ Israĕl, Suh la-en öich chū-ö in meh? Kuṙòh chuh in yip pròfĕt ök yöng re man kikōnyö, pròfĕt ök yöng meh kikānö inrē. Hö-ö, Ngö ṙô ök rācha aṅ Israĕl: pò ngam Mā Tēv nö havëten vē tölūöi tak rācha nö mūl nö kēten cha nö eltī Mô-āp.

1 RĀCHA 22:15

Hē ò ngaich nö yih nö in ök rācha ngö ṙô ngaich ök rācha tö ò, Mikayā, kiröönngöre öyih kiyung lā-al Ramòtkilīöt, hēk höng ṙāpöre öyih? Sapṙô ò ngaich anga-aṅ nö ngö, Kuṙòh kiröönngöre yin, öi mihôiṅ; kēten e An min ngam Tēv nö eltī ngam rācha.

1 RĀCHA 18:27

Ngaich ngö inlahen angū-ö ik sakāmö, ang Ĕlaicha nö hayëngen cha, nö ngö ṙô, Pōitô yin: tön tēv apa; lohten ap nö ṙòngmö chöh ellōn re, hēk inrē kiröönngöre nö yô-òv kū-ö, hēk inrē lohten nö marô-òlkūö kinröönngö, hēk inrē lohten nö haṙòh, ngaich hòṅ kilanglöng.

KAMHÔKA 10:14

Kuṙòh peunyhökūö nup atöllöre yin tēv; hökngen u nö hayööken yīö hē el nup kanihngen yīö.

T. MĀKÖS 14:40

Yihtöre hēk, ngaich kôtökūö tö cha nö haṙòh; pò cha nö öt manlaklen mat. Ngaich nöng öt huveū-eu ṙô cha-a, nö sapṙô Ò.

T. MĀKÖS 14:42

Choholre; ta-a, töi ngaich kiröönngöre. Yĕh meuk, ngòh kamëḵngen Chu nö röhta nö ngaich.