T. MĀKÖS 14:21 - TÖHET LĪPÖRE (Re-edited) Bible (BSI)

²¹ Kiröönngöre Ön ngòh Kūön Tarik, sā kinūichngö Ò; tötkôlò pöri öp tarik, lökten Ò nö kē-ĕyö. Löök öp öre anga-aṅ tarik, yē ò nöng ötfötnyu.

T. MĀKÖS 14:21 Referans Kwoze

T. YÔHAN 19:28

Keuheūthëṙen angū-ö, akahalōn ngaich Yēsū tö nup taṙòkhöre nö keuheūten, ngaich ngö ṙô, Haṙëhe nômö Chin. Nö kinheūṅtngen ṙô ngam töhet līpöre.

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

INLAHEN 4:27

Pòn kô nö i ngih panam nö lā-al ngam töhet Kūön Meh Yēsū, ngam töhachāmö kui tö Meh, hĕnghöre Heròt, Pailĕt inrē, nö hol yip Tahëng mihëṅṙö, vē tarik Israĕl inrē, nö hamūlöre,

INLAHEN 2:23

Anga-aṅ tökē-ĕ, sā ngam töha-ehangen inlēnngenre tö ngam Tēv; ngaich harātu tö yīö, fëlö inrē, nö lökngö eltī yip tötlöök tarik;

INLAHEN 1:25

Nö kamëḵ ngih chūök i ngih la-en tanīnöṙô, ngam töṙā-ayö tö Yūtā, hòn chuh im chūökre anga-aṅ.

T. MËTIV 26:56

Ṙòkhöre pöri në nö yih, nö kinheūṅtngö ṙô nup līpöre yik pròfĕt. Ngaich yik mahaköp nö ṙòkngöre nö ṙāngen Ò; ngaich falngöre.

T. MËTIV 26:54

Sitih kinheūṅtngö ṙô ṙöng öng min ngam töhet līpöre, tö e nö töhòṅ ngatī?

SAKARIĀ 13:7

Ō fël, chōholre man lāḵlö öp yōm pököre chu, lāḵlö öp tarik inrē öp hol chu, ṙô ngam Mā Tēv yip töma- ṙôngö. Hachök ap yōm pö- köre, ngaich parātiyö min nup sīṅp; ngaich chū-ö min havāngtö këlre i nup kuöṅnö.

TANĪ-ĔL 9:26

Ngaich unôichrit nup tötafūöl anāi nët afta, öp töhachāmö kui min nö rökiṙen, ngaich rö-ö nö aṅhaṅv-in min; ngaich yip tarik öp kūön rācha öp yamih min nö tīṙōlngö ngam elpanam tö ngam töhet chūök inrē. Kumtö ṙanööingö öp manāngen e min, ngaich söl ip manāngen min öp kinyūngö umuh; pinyāingö, öp chöngö.

Isayā 52:14

I ṙôngö yip töpingangkūö nö in ò, höng yô-òv mineūkö anga-aṅ, öt rahëichyen nö sāta nö i tarik, lāngö höng yanô-òv inrē tö vē kūön tarik,

Salmai 55:15

Teungtöre an yēḵ ngam töt akahtuṙen kinpaha nö i kui cha, hökngen cha nö chuh el ngam anūlö nöng aṅ: pò nup öt lanöökö nö el nup chūök cha, nö el ṙôngö cha.

T. LŪKÖS 24:44

Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.

T. LŪKÖS 22:22

Tökô ön ngòh Kūön Tarik nö kumröönngöre, sā e nö ngaich nö töngatī; tötkôlò pöri ngòh tarik, ngam lökngen Ò nö kē-ĕyö.

T. MĀKÖS 14:49

Öt hĕng hang sumkam Chin in yīö, haköphöti el ngam töhet chūök; ngaich rö-ö yī-ö kē-ĕ Chu. Kinheūṅtngen ṙô minë līpöre pöri, ngih.

T. MĀKÖS 14:20

Ngaich ngö ṙô Anga-aṅ tö cha, Hĕng tak öp aṅ i yip tö nët sīön, öp anòngtö tī Chu nö el ngih töchilū nö kasumtö nya-aṅre.

T. MĀKÖS 14:22

Ngaich hē cha nö nyā, kētam Anga-aṅ tö ròtī; keuheūthëṙen nö hakôlò e, ngaich fôkö e; ngaich kē-ĕkūö cha nö ngö ṙô, Euṅh, nyā-aṅ e yin; Alaha Chu an.