T. MĀKÖS 14:2 - TÖHET LĪPÖRE (Re-edited) Bible (BSI)

² Ngaich yik mākūö kūönṙô, yik kamūich inrē, nö chöh inlahenre nö kē an nö ulāikenre, ngaich fëlngen Ò. Pò cha nö ngö ṙô, Un hē el paratīn, tön lohten min nö taṙōlaṙen yip tarik.

T. MĀKÖS 14:2 Referans Kwoze

T. YÔHAN 12:19

Lökten yik Feresī nö ngö ṙô tö höö, Yēsū meuk, öt kanô-òṅre yin, ngaich ön ngih panam nö tömrit Ò.

T. YÔHAN 7:40

Rēvre yik tömaṙôngö tö ngö ṙô, hē cha nö hang në ṙô; Kô Ön ngòh nö ngam pròfĕt.

T. LŪKÖS 20:6

Yē hī ngö ṙô pöri min, Lamöktö i tarik; ṙòkhöre min vē tarik nö kulehe hī; pò cha nö akahaiṙen tö Yôhan nö pròfĕt.

T. MĀKÖS 11:32

Yē hī pöri min, Aṅ i tarik; ngö ṙô, pa-ekūö cha-a tö yik tarik pò Yôhan nö pròfĕt takô, tö lōn cha nö ṙòkhöre.

T. MĀKÖS 11:18

Ngaich yik mākūö kūönṙô yik kamūich inrē, nö hāngö e; ngaich lukkö inlahenre cha-a nö fëlngen Ò. Pòn pa-ekūö cha-a tö Ò; pòn ṙòkhöre yik tömaṙôngö nö pingangkūö tök ṙô Ò inköphöti.

T. MËTIV 26:5

Ngö ṙô pöri cha-a, Un hē öp paratīn; hòn öt taṙōlṙen yip tarik.

INRĀMÖRE 3:27

Tölöök an nö im tarik yĕn keun ngam kaneun hē ò nö ayal.

INCHŌḴ-OṘÔ 21:30

Hö-ö mikah, hö-ö mikah elmat, hö-ö inlēnö, nö kôḵ nö lā-al ngam Mā Tēv.

INCHŌḴ-OṘÔ 19:21

Pōyen nup tö halēnlöngö ellōn tarik, ngam chööḵnyö ngam Mā Tēv pöri min tököp.

T. MËTIV 26:2

Akahalōn yin töp paska nö nët töre sumkam; ngaich ngòh Kūön Tarik min nö kētu nö haṙātu.

T. MĀKÖS 14:1

Unôichrit tö nët sumkam ngam Paska Töt aföhlöng Ròtī.

T. MĀKÖS 14:3

Ṙòngmö i Petenī Anga-aṅ, nö i patī Sīmōn, ök töyeūnyu, ngaich hē Ò nö ūichhak nö nyā; hĕng tak ngaich ök kikānö tö hēngö kum tö ihong pilön tötahūsa töpōi ṙāi. Likuknyökūö e ngaich anga-aṅ; ngaich ṙöhtö e nö i kui Ò.

T. LŪKÖS 22:1

Ngaich röhta ap paratīn Tö-taföhlöng Ròtī, ap tö Paska invëka.