T. MĀKÖS 14:18 - TÖHET LĪPÖRE (Re-edited) Bible (BSI)

¹⁸ Ūichngöre ngaich cha-a nö nyā; ngaich Yēsū nö ngö ṙô tö cha, Hĕng taka ap min tö yīö, kamëḵngen Chu, öp nyamā nö holkūö Chu.

T. MĀKÖS 14:18 Referans Kwoze

Salmai 41:9

Hôṅ, öp töha-eh hol chu, chūök nyanatlö chu: nyamā nya-aṅkūö chu, supëòklöre nö lā-al chu.

T. YÔHAN 6:70

Ngaich ngö ṙô Yēsū tö cha, Röh Öich katöllen yīö, yī-ö tö nët sīön tak? Ngaich hĕng tak öp aṅ in yīö nö sī-ö.

T. YÔHAN 6:47

Tökô-ò ṙô Chin tö yīö, Ngòh ṙamātö ellōnre nö in Chu, nômuvö tö ngam tö örheūheu-aṅ.

T. YÔHAN 13:38

Ngaich ngö ṙô Yēsū tö ò, Kô-òren öm kapah töpòkūö Chu? Tökô-òṙö Chin tö meh, Öl nup min hayöm nö takeūk hanöng saha meh lūöi heuh ṙô mahngen Chu.

T. YÔHAN 13:21

Keuheūthë ṙô Yēsū tö e, ngaich haṙivö ellōn Anga-aṅ ngaich hameukhöti, nö ngö ṙô, Tökô-ò ṙô Chin tö yīö, Hĕng taka öp tö yīö, kamëḵngen Chu min.

T. YÔHAN 6:32

Lökten Yēsū nö ngö ṙô tö cha, Tökô-ò ṙô Chin tö yīö, Rö-ö ök nö Môsös kamëtö nya-aṅkūö yīö, nö ṙā-ang el, halīöngö; tön ngam Yöng Chu kamëtö ngam tökô-en nya-aṅkūö, aṅ el halīöngö.

T. YÔHAN 6:26

Ngaich ngö ṙô Yēsū tö cha, Tökô-ò ṙô Chin tö yīö, Chöhö Chu yin, öt kūö yīö meuk nuk minkahngö, tön kūö yīö nyā nuk ròtī, ngaich tööḵngen.

T. YÔHAN 5:19

Lökten Yēsū nö ngö ṙô tö cha, Tökô-ò ṙô Chin tö yīö, Öt kô An ngam Kūön nö kanahnguṙen tö la-enre, nup la-en ngam Yöng pöri maheuṅk Ò, ngatī ngam Kūön, nö sā ngam Yöng.

T. YÔHAN 3:11

Tökô-ò ṙô Chin tö meh, Ṙôtö nup mikahlōnre in īhö; eūkö nuk maheuṅkre inrē; ngaich rö-ö yī-ö hōḵ tö nup aheūkö ih.

T. YÔHAN 3:5

Ngaich ngö ṙô Yēsū, nö sapṙô ò, Tökô-ò ṙô Chin tö meh, yē ngòh tarik nö öt fötnyu tö ngam mak, ngam {Töhet} Fanöinylö inrē, öt kô min anga-aṅ nö kuhēthötre nö im pūlngö ngam Tēv.

T. YÔHAN 3:3

Ngaich Yēsū nö ngö ṙô, nö sap ṙô ò. Tökô-ò ṙô Chin tö meh, yē ngòh tarik nö öt tumfömlöng finötnyi, öt kô anga-aṅ nö meuk ngam pūlngö ngam Tēv.

T. YÔHAN 1:51

Ngaich hēk ngö ṙô Anga-aṅ tö ò, Tökô-ò ṙô Chin tö meh, meuk ngam halīöngö man min nö löpnyörekūö; ngaich yip ma-ahānga, aṅ im Tēv nö yônlö, yônti inrē nö i kui ngòh Kūön Tarik.

T. LŪKÖS 11:51

Ranehten tök mahām Apĕl, söl ik mahām Sakariā, ök tö kapah nö i hôi ök chūök tökētuvö tö ngam patī ngam Tēv. Tökô-ò ṙô Chin tö yīö, I ngih ap min tūmö nö havëka.

T. LŪKÖS 4:24

Ngaich ngö ṙô Anga-aṅ, Tökô-ò ṙô Chin tö yīö, öt hĕng tak pròfĕt töhōḵovö nö i panamre

T. MĀKÖS 14:25

Tökô-ò ṙô Chin tö yīö, Rö-ö Chin min hēk òk ṙòng vāin, hanöng saha ngam sakāmö hē chu min òk tufömngöre im pūlngö ngam Tēv.

T. MĀKÖS 14:9

Tökô-ò ṙô Chin tö yīö, ip chūök ngih tölöök inhānga min nö ahangka, i në taṙòkhöre panam, ngaich ngam tī ngòh kikānö min nö eūka nö inköpkölōn tö ò.

T. MĀKÖS 10:29

Ngaich ngö ṙô Ang Yēsū, Tökô-ò ṙô Chin tö yīö. Öt tarīkuvö öp ṙamā-ang patīre, mëmre, kahëmre, kanānöre, yöngre,pihöre, kūönre, panamre, töpòkūö Chu, pòkūö ngam tölöök inhānga inrē;

T. MĀKÖS 10:15

Tökô-ò ṙô Chin tö yīö, yē ngòh tarik tötkamëḵ ngam pūlngö ngam Tēv min, nö sā ngòh kun nyīö, öt kô anga-aṅ nö kuhēthötre nö in e.

T. MĀKÖS 9:41

Yĕn hĕng tak min kamëtö òk yīö tö mak, nö pò yīö aṅ in Kristū; tökô-òṙô Chin tö yīö, Öt hōḵ öp min nö löhlö tö raneushöre.

T. MĀKÖS 9:1

Ngaich ngö ṙô Anga-aṅ tö cha, Tökô-òṙô chin tö yīö, Rēvre yip ihih tösökhak, tö-öl min nö kapah, hanöng saha mat cha nö meuk ngam pūlngö ngam Tēv nö yih nö holtö minhôiṅyö.

T. MĀKÖS 8:12

Uhômlöre ngaich Anga-aṅ, ngaich ngö ṙô, Kūöyòh öng ngih tūmö nö hòṅ chöh minkahngö? Tökô-òṙô Chin tö yīö, Öt kē-ĕvkūö ön ngih tūmö tö minkahngö.

T. MĀKÖS 6:11

Ngaich yē chūök yip töthamôḵen yīö, yip töthamang ṙô yīö inrē; yē yīö pöchö kiröönngöre, ṙāngö e, pitōngngö pitung röönre yī-ö, nö minkahngö cha.

T. MĀKÖS 3:28

Tökô-ò ṙô Chin tö yīö, Ṙòkhöre nup min tökööl yip kūön tarik, nö aṙēlöngö, nup töng ṙô cha inrē nö ötlēkôre.

T. MËTIV 26:21

Ngaich ngö ṙô Anga-aṅ, hē cha nö nyā, Tökô-ò ṙô Chin tö yīö, Hĕng tak öp min tö yīö, kamëḵngen Chu.

T. MËTIV 6:5

Hēk, yē yīö öi ve-ekūötēv, uh yin sā yip mahanyatkö elmat; tön hāngenlōn yip cha-a, nö sökhaka nö ve-ekūötēv, nö el chūök vine-eṅkūötēv i pak kūö talöökö inrē; pòn hòṅ meūkö cha-a tö tarik. Tökô-ò ṙô Chin tö yīö, ngaich yip cha-a nö teūngen tö raneushöre

T. MËTIV 6:2

Lökten yē meh alōnhöti, um föökö fanöö nö urēhĕkūö meh, öm sā yip mahanyatkö elmat, nö el chūök vine-eṅkūötēv, ane inrē el talöökö pò cha nö hòṅ eū-eu tö tarik. Tökô-ò ṙô Chin tö yīö, Ngaich yip cha-a nö teūngen tö raneushöre.

T. MËTIV 5:18

Tökô-ò ṙô Chin tö yīö, Hanöng saha chanuhu ngam halīöngö, ngih panam inrē; öt hĕng hang milôhò min chamuh, nö ṙā-ang im chöngö; hanöng saha kinheūṅten u.

T. YÔHAN 21:18

Tökô-ò ṙô Chin tö meh, Hē meh misī ayal, kahngenre me-eṅ kafanlöre; kiröönngöre inrē ip kū-ö lōn meh. Yē meh pöri min ngaich köṅny, hateutnyö minë këlre min me-eṅ; ngaich kafānö min tö tahëng tak; kēḵngen meh inrē ip töt kū-ö lōn meh.

T. MËTIV 6:16

“Hēk, yē yīö ahik, ui sā yip mahanyatkö elmat, yip tö ūnökūö; tön harīkngökūöre yip cha-a; pòn hòṅ meūkö tö tarik. Tökô-ò ṙô Chin tö yīö, Ngaich yip cha-a nö teūngen tö raneushöre.

T. MĀKÖS 14:17

Ngaich im harap yih ngaich Anga-aṅ, nö holtö yik tö nët sīön.

T. MĀKÖS 14:19

Kaknyöre cha-a ngaich nö kö unôichrit höö ṙô, nö ngö, Chu-ö Chu.

T. LŪKÖS 22:21

Yĕh meuk, eltī ngam kame-eṅ Chu nö holtī Chu nö el ngih mīs.

T. YÔHAN 13:18

Rö-ö Chin ṙôten yīö ṙòkhöre. Akahalōn Chin tö yik katöllöre; kinheūṅtngö ṙô ngam töhet līpöre an, Ngòh nyamā nya-aṅkūö Chu, ngaich kichöötlö röönre nö lā-al Chu.

T. YÔHAN 13:22

Kö ngëichkökūö höö yik mahaköp, öt akahalōn tö ök ṙô Ò tarik.