T. MĀKÖS 13:9 - TÖHET LĪPÖRE (Re-edited) Bible (BSI)

⁹ Hīnöre pöri yī-ö. Tön kēten yīö yip min, nö i kinṙôka; fōho yin min inrē, el chūök vine-eṅkūötēv, i kūö kamhôṅka yin min, rācha inrē, öi sökhaka, tö pòkūö Chu; nö inmeukhömat cha.

T. MĀKÖS 13:9 Referans Kwoze

T. YÔHAN 16:2

Hakösiṙen yin min tö yip māṅre. Yih an ngam ṙētak, tö yip famëlngen yīö min nö tö la-en tö la-en ngam Tēv, tö lōnre.

T. MĀKÖS 13:5

Kaknyöre ngaich Yēsū, nö ngö ṙô tö cha, Haṙēmngenre yin, hòṅ yīö öt halō-oikūö tö tarik.

INMEUKHÖMAT 2:13

Akahalōn chin tö chūök meh iyöng, nöng i chūök ngam kantēra Sātān, ngaich me-eṅ öm köptī tö ngam minë-eny chu, ngaich öt mahngö ngam mikah in chu, pòrô i nuk sakāmö Antipas ök ameūken chu, tökô-en nö chu-ö, ök aṅ in yīö töfëli, i chūök Sātān nö iyöng.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

INMEUKHÖMAT 1:9

Ip kun panam, chu-ö Yôhan, tö Petmòs invëka, mëm kahëm yīö, ane inrē hamòlkūö yīö i kanihngen, ane inrē im pūlngö, manöiyö inrē aṅ in Yēsū, ngam ṙô ngam Tēv, ane inrē inmeuktö Yēsū.

2 TÖSALÒNIKĒ 1:5

Ngam inmeuktö lanöökö ngam inkaha tö ngam Tēv; hòṅ yīö min kaheuktu, töhōḵov im pūlngö ngam Tēv, ngam lökten yīö kihngen inrē;

FILIPĪ 1:29

Pòn kētu nö in yīö, nö pòkūö Kristū, öt höng ngam ṙinātö ellōn in Ò, tön kihngen inrē töpòkūö Ò:

INLAHEN 21:11

Yihtöre anga-aṅ nö in ih, ngaich kēḵ ök nyanëkṙat Pôl; ngaich nyëk këlre, kalröönre inrē; ngaich ngö ṙô, Ngö ṙô An ngam Töhet Fanöinylö, Ngatī nyinëkö öp min tarik, öp tönyanëkuṙat tö ngih, tö tī yip Yahūti i Yerūsalem; ngaich kētu nö eltī yip Tahëng mihëṅṙö.

INLAHEN 9:16

Hameukhömat ò Chin min tö ṙôken kanihngen ò tö kūö Minë-eny Chu.

INLAHEN 7:54

Ngaich hē cha nö hāngö u, ṙatngöre ellōn cha-a ngaich; kap kui kanapre inrē, nö in ò.

T. YÔHAN 15:20

Köpölōn tö ṙô Chu tö yīö Rö-ö ön ngòh kūönkūö nö pōyö tö ngam yöngṙenre. Yē cha nö öthakôlò Chu, öt hakôlò yīö min cha-a inrē; yē cha nö haköp ṙô Chu, haköp ṙô yīö min cha-a inrē.

T. LŪKÖS 9:5

Ngaich yē ṙôngö yip samôḵen yīö yē yīö pöchö kiröönngöre ṙāngö ngam panam, pitōngngö pitung kunröönre pöichö, minkahngö cha.

T. MĀKÖS 6:11

Ngaich yē chūök yip töthamôḵen yīö, yip töthamang ṙô yīö inrē; yē yīö pöchö kiröönngöre, ṙāngö e, pitōngngö pitung röönre yī-ö, nö minkahngö cha.

T. MĀKÖS 1:44

Nö ngö ṙô tö ò, Mah; uh man rahëchyen ṙô i tarik. Kiröönngöre pöri kuṙòh, me-eṅ; hameuktöre ip kūönṙô, ngaich kētö tökētuvö tökūö lanööken meh, ap hachöngten Môsös,, nö inmeukhöti nö in cha.

T. MËTIV 5:22

Ngö ṙô pöri Chu-ö tö yīö, Ngòh lamā-alkūö holre, nöng öt löknyu chööḵnyi, kihngen min nö im kinṙôka. Ngòh tötlamëkôre tö holre, ngaich kihngen min nö i yip mā kamhôṅka. Ngòh ramūttö ötkanôlò, ngaich kihngen min nö i kūö tameūyö el chūök ötinkôlò.

T. MĀKÖS 13:8

Pò vē tarik min nö choholre nö lā-al höö, pūlngö inrē nö lā-al höö; ṙōlkang chūök min kumyeūnö; inyāichö min inrē. Anū-ö nun ranehtö chanökö kinyôḵò.

2 YÔHAN 1:8

Meūköre yin, hòṅ yīö öt löhlö tö u nuk tī ih, hòṅ yīö pöri teūngen tö tötimtörkūö raneushö.