T. MĀKÖS 13:8 - TÖHET LĪPÖRE (Re-edited) Bible (BSI)

⁸ Pò vē tarik min nö choholre nö lā-al höö, pūlngö inrē nö lā-al höö; ṙōlkang chūök min kumyeūnö; inyāichö min inrē. Anū-ö nun ranehtö chanökö kinyôḵò.

T. MĀKÖS 13:8 Referans Kwoze

T. MËTIV 24:8

Anu-ö nun ranehtökūö chanökö.

Isayā 37:3

Ngö ṙô ngaich cha-a tö ò, Ngö ṙô öp Hēsikia; Sakāmö kanihngen ön ngih, inkësö inrē, öt linëken inrē: pò vē nyīö nö yih nö im fīnötnyö re, ngaich öt kumlē-ĕvö nö kayô-òinyre.

Salmai 48:6

Kichëyöre cha-a nö umuh: chök, sā chanökö kikānö kamyôḵ.

INMEUKHÖMAT 6:4

Ngaich yihtöre ök tahëng nòng kōra, tangāṅv kōra; ngaich ap mī-i-uk ò nö kē-ĕvkūö nö kēngö lanāmö nö ṙā-ang ing panam, pòn hōtu cha-a inrē nöng kö fëlngen höö: kētuvö inrē nö in Ò ök hĕng nòng tökiröng sanët.

1 TÖSALÒNIKĒ 5:3

Hē cha nö ngö ṙô, Lām, öt pinlānguṙen inrē, ngaich nönglūk nö teunghökui cha ap inlëlngö, sā ngòh kikānö kamyôḵnyö nyīö; ngaich cha-a nö öt löktu nö öt kô-òngvah.

INLAHEN 11:28

Ngaich hĕng tak tö cha, Akapös minënyö ök; ngaich hameukhöti, nö lökten im Töhet Fanöinylö, tök yöng inyāichö tökeuheūtngöre chūök nö im panam. Ök yamih hē Klòtīös, Kaisöör.

SAKARIĀ 14:13

Ngaich ngö inlahen min angū-ö ip sakāmö angū-ö, öp yöng tötkô-òtī ṙameū-eung im Mā Tēv min nö in cha; ngaich cha-a min nö kö kētö tīre nö i kël holre, ngaich hachônglö këlre min anga-aṅ nö lā-al tī ngam holre.

HAKAI 2:22

Ngaich chū-ö min kuringngö kantēra në pūlngö, ngaich chū-ö inrē min piyāingö kumlēḵ nup pūlngö pumnāmö tarik; kuringngö nup inröl chin min inrē, cha-a inrē yip me-ël u; ngaich nup kōra tö yip aṅ uk u inrē min nö fukngö, tö kūö fël; hanöng kisānöre,

YERIMIĀ 50:43

Hang ineūkö cha öp rācha aṅ Pēpilön kalöli nö ngaich nuk kël ò nö öt huveū-en; īnu ngaich anga-aṅ tö töchök miṙivlōn, sā chanökö ngòh kikānö nö i chinöku.

YERIMIĀ 49:24

Ngaich an Tamaskös nö ötkalē-en, havöökūöre an nö ngaich nö falngöre pa-ekūö an nö keuheūtngöre; in ò ap nö ngaich töchökhu miṙivlōn, sā öp kikānö mahalöiny kinyô-òre.

YERIMIĀ 25:32

Ngö ṙô an ngam Mā Tēv yip tömaṙôngö: Yĕh meuk, ngaich ök tötlöök nö kiröönngöre nö löktökūö ngam pumnāmö tarik nö im pumnāmö tarik, ngaich öp chanôichö panam nö kalēḵ löktökūö im tömarôvat alaha ngam tumlat!

YERIMIĀ 22:23

Ō yī-ö aṅ Lëpanön mumtīlöre i nup sītör chōn, yöng inluhu yīö min yĕn yih ap chanökö nö i kui yīö sā chanökö kikānö kamyôḵ!

YERIMIĀ 13:21

Sītih ṙô öm min yē cha nö ūichhak nö yöngṙen nö i kui meh, cha-a yip töhaköptu tö meh nö hol meh? Röh öm min lökö tö saneônglöre chanökö, sā öp kikānö i kinyô-ò?

YERIMIĀ 6:24

Hang vine-eny in, kalöli në kël ih ngaich nö öt kalē-en; ngaich el ngam chanökö miṙivlōn īhö, chök sā kikānö kamyôḵ.

Isayā 19:2

Haruhlö alaha yip aṅ Aikup chin min nö lā-al aṅ Aikup: ngaich cha-a min nöng kilöönö höö tö mak alahare, ane inrē höng kö lā-al holre; elpanam lā-al elpanam, pūlngö inrē lā-al pūlngö.

YERIMIĀ 4:31

Pò chu hang ṙô öp kikānö nö halöinyöre nö kayôḵ, nö sā chanökö kamyônyö öp lanòh kūön re, töhāngö ṙô öp kikānö kūö Sīyôn nö kisakngö umhômöre, nö hateutnyökëlre, Aōla chū-ö! Chaṙīvi chin ngaich i kūö famël tarik.

2 KINṘÖTNGÖ 15:6

Panyeny anū-ö nö laköl, pumnāmö tarik lā-al pumnāmö tarik elpanam inrē lā-al elpanam; pò ngam Tēv nö hakihten cha tö tökeuheūttöre mihëṅṙö kanihngen.

Isayā 29:6

Chöhka an min tö ngam Mā Tēv yip tömaṙôngö nö hol tö kunṙôkö, kumyeūnö inrē, töpōyen ṙënṙô inrē, holtö lamfeui kuföt chanôchö mai inrē, hanūkūö tameūyö inrē mahaṙāphanga.

T. MĀKÖS 13:7

Yē yīö mīnö hang kinyūngö ineūkö kinyūngö inrē; ui pa-ekūö; tö hòṅ ngatī nun anū-ö öl pöri öp manāngen.

T. MĀKÖS 13:9

Hīnöre pöri yī-ö. Tön kēten yīö yip min, nö i kinṙôka; fōho yin min inrē, el chūök vine-eṅkūötēv, i kūö kamhôṅka yin min, rācha inrē, öi sökhaka, tö pòkūö Chu; nö inmeukhömat cha.