T. MĀKÖS 13:35 - TÖHET LĪPÖRE (Re-edited) Bible (BSI)

³⁵ Aṅhaṅti lökten; tön öt akahalōn yin tö hē yanihih ngam mā tö patī-ivö, yĕn chūöl hatööm yĕn ṙô hayöm yĕn peuheū;

T. MĀKÖS 13:35 Referans Kwoze

T. MĀKÖS 13:33

Hīnöre yī-ö; aṅhaṅtī, ve-ekūötēv inrē; tön öt akahalōn yin tö hē öp ṙētak.

T. MËTIV 24:42

Lökten aṅhaṅti tön öt akahalōn yin tö sakāmö hē yanihih ngam Mā yīö.

T. MËTIV 24:44

Lökten yin lēntöhechṙen; pòn ip hē yīö öt lōnu, ngòh Kūön Tarik nö yih.

T. MĀKÖS 14:30

Ngaich Yēsū nö ngö ṙô tö ò, Tökô-ò ṙô Chin tö meh, tö meh ing tötaheui, i ngih hatööm, urēhĕkūö ṙô hayöm nö nët vīöl ṙô nö takeūk, lūöi heuh min me-eṅ mahngen Chu.

T. MĀKÖS 6:48

Ngaich meuk kanihngen cha Anga-aṅ, nö keūtöre; pò ngam kuföt nö asaha cha. Yihtöre ngaich Anga-aṅ nö in cha, nöng kiröönngöre nö el mai, ik finën heuh inahaṅti tö hatööm. Ngaich sā tö hòṅ chööḵngen cha Anga-aṅ.

T. MËTIV 14:25

Im anöhölkūö peuheū, Anga-aṅ nö yihtöre nö in cha, nö kiröönngöre nö lök kui mai.

T. MËTIV 24:43

Akahalōn pöri yī-ö tö ngih, yē ngam töpatī-ivö nö akahlōn tö ṙētak yanihih öp mu-ulāiyö; ngaich höngöre anga-aṅ, ngaich öt halöngngen öp patīre nö tiṙōli,

T. MĀKÖS 13:37

Ngam ṙô Chu tö yīö, ṙô Chu an tö taṙòkhöre, Aṅhaṅti.