T. MĀKÖS 13:32 - TÖHET LĪPÖRE (Re-edited) Bible (BSI)

³² Öt hĕng tak pöri tö-akalōn tö e angū-ö sakāmö, ṙētak inrē; öt akahalōn yip ma-ahānga el halīöngö, öt rēhĕn ngòh Kūön, höng ngam Yöng,

T. MĀKÖS 13:32 Referans Kwoze

INLAHEN 1:7

Ngaich ngö ṙô Anga-aṅ tö cha, Rö-ö yin yī-ö hōtu akahalōn tö ṙētak, hēk hē, ngam mī-im chöngö ngam Yöng.

T. MËTIV 25:13

Lökten yin aṅhāṅti; tön öt akahalōn yin tö sakāmö, öt rēhĕn tö ṙētak yanihih ngòh Kūön Tarik.

INMEUKHÖMAT 3:3

Lökten man köpölōn tö inlahenre öm teūngen, ngaich inrē öm hang; haköpö e, ngaich havöötö ellōnre. Lökten yē meh min öt höngöre, sā mū-ulāya chu-ö min yih, ngaich me-eṅ min öt akahalōn tö ṙētak chu min yih in meh.

T. MËTIV 25:6

Im chūöl hatööm ök ṙô hamūḵa, tö ngö ṙô, Yĕh meuk ngam töhapihö; kunyī-inyre yin, höngkūö ò.

2 PĪTÖR 3:10

Sā mū-ulāiya pöri min ngam sakāmö ngam Mā nö yih; hē e min minë halīöngö, nö changāichi nö hol tö yöngṙën ṙô ngaich payööyi nup alaha u tö kūö öp tökalē-ĕkūö ṙanāichö, ngaich ngam panam tö nup vahīṙen in e nö ṙāpngö min.

T. MËTIV 25:19

Marô-angen, ngaich möl nö yih ngam mā yip mahalanṙen; ngaich kaheuk ṙôken nup chehen in cha.

INMEUKHÖMAT 1:1

Ngam inmeukhömat aṅ in Yēsū Kristū, ngam kahëtö ngam Tēv nö in Ò, tö hameuktu nö i yip tanölöṙô Ò, anū-ö nup töt ṙôktörevö nö yih min: tīnhanga Anga-aṅ nö hameukhöti nö ip tanölöṙô Ò Yôhan, nö lökten i Ma-ahānga;

T. MĀKÖS 13:31

Chuhngöre an min ngam halīöngö, ngam tumlat inrē; öt chanūhuvṙen pöri min në ṙô Chu.