T. MĀKÖS 13:3 - TÖHET LĪPÖRE (Re-edited) Bible (BSI)

³ Ngaich hē Ò nö ūichhaka nö i kui Rôngö Òliv, nö kū-ötö ök töhet chūök; ngaich hatönan hēḵ Pītör Yāköp, Yôhan, Antaru inrē, nö ulāikenre,

T. MĀKÖS 13:3 Referans Kwoze

T. MĀKÖS 4:34

Öt ve-ekūö cha Anga-aṅ, nö öt inchōḵovṙô; ulāikenre pöri nö ve-eny inlahen u nö i yik haköptöre.

T. MËTIV 21:1

Hē cha nö röhta nö i Yerūsalem, sölta ngaich nö i Petfēkē, i kui ap rung Òliv; ngaich nët tak tahīnngö Yēsū tömahaköp.

T. MĀKÖS 14:33

Ngaich ngô-òṅ hēḵ Pītör Anga-aṅ, Yāköp, Yôhan inrē; kētöre ngaich nö pōyen ranöingö alaha, ane inrē kanihngen ellōn,

T. MĀKÖS 10:35

Ngaich haröhtöre nö in Ò, nāṅ Yāköp, nāṅ Yôhan, nak kūön Sepetī; ngaich ngö ṙô tö Ò, Mahaköphöti; hōten Meh an, Öm kēkö kaha öp töng ṙô ai ve-ekūö Meh.

T. MĀKÖS 9:2

Unôichrit tö tafūöl sumkam, Ang Yēsū nö ngô-òṅ Pītör, Yāköp, Yôhan inrē; ngaich hayihten cha nö i kui ap tömarô-òlkui rôngö: köhngen cha-a. Ngaich haṙī-ingre Anga-aṅ nö i kūö cha.

T. MĀKÖS 5:37

Öt hĕng tak halöngten Anga-aṅ tö tamömritre, höng hēḵ Pītör, Yāköp Yôhan inrē, ök kahëm Yāköp.

T. MËTIV 24:3

Ngaich hē Ò nö ūichngöre, nö i kui ap Rôngö Òliv; ngaich ulāikenre yik mahaköp nö yihtöre nö in Ò, ngaich ngö ṙô. Ve-eny nang ih Man, ĕhē ön min anu-ö? Asuh öp min inrē minkahngö yanihih Meh, öp manāngen ngih panam inrē?

T. MËTIV 17:1

Unôichrit tö tafūöl sumkam, Ang Yēsū nö ngò-òṅ hēḵ Pītör. Yāköp, Yôhan ök kahëm Yāköp, nö hol Ò; ngaich hayônlen cha nö i kui ök tömarô-òlkui rôngö.

T. MËTIV 13:36

Ṙā-ang Anga-aṅ tö yik tömaṙôngö; ngaich kuhēthötre nö el patī. Ngaich yihtöre yik haköptö Ò nö in Ò nö ngö ṙô, Mikahtö elnang ih Man tö ngam inchōḵoṙô, inlahen nup tötkôlò chōn el panô-òṅ.

T. MËTIV 13:10

Yihtöre ngaich yik mahaköp, ngaich ngö ṙô tö Ò Kūöyòh Öm inchōḵovṙô ve-ekūö cha?

T. MĀKÖS 13:4

Ve-eny nang ih Man, ĕhē ön min anū-ö? Asuh ap min minkahngö hē u nö sölta?