T. MĀKÖS 13:27 - TÖHET LĪPÖRE (Re-edited) Bible (BSI)

²⁷ Ngaich Anga-aṅ min nö tīnngö yip ma-ahānga; ngaich hamūl yip tökatöllöng nö ṙā-ang i në tö fën lā kuföt, ṙā-ang i manā-angkūö ngih panam, söl i manā-angkūö ngam halīöngö.

T. MĀKÖS 13:27 Referans Kwoze

SAKARIĀ 2:6

Mah! mah! Falngöre yin ṙāngö ngam panam lā kapā, ṙô ngam Mā Tēv: tön pirātngen yīö chin marôvat sā në töfën lā kuföt ngam halīöngö, ṙô ngam Mā Tēv.

T. MËTIV 24:31

Ngaich tīnngö yip ma-aṅhāngare min Anga-aṅ, nö holtö töpōitô fanöö; ngaich cha-a min nö hamūl yip tökatöllöng tö Ò, ṙā-ang i nup töfën lā-a kuföt, löktökūö ngam manā-angkūö ngam halīöngö söl im tahëng.

I. CHÖNGÖ 30:4

Yĕn hĕng tak öp töha-uknyu aṅ in meh mi-iyöng i manā-ang kūö ngam halīöngö, nö ṙeū-eung in e min ngam Tēv ngam Tēv meh nö hamūlö meh, ṙeū-eung in e inrē min ang-aṅ nö kē-ĕren meh:

2 TÖSALÒNIKĒ 2:1

Kahōlö, vë-ekūö yīö in i inlahen yanīhih ngam Mā hī Yēsū Kristū, öp inmūlö hī in Ò inrē,

T. LŪKÖS 16:22

Ngaich kapah ngam yāich tarik, ngaich kē-ĕyö tö yip ma-ahānga nö i kūö Aprahām.

T. MĀKÖS 13:20

Yē ngam Mā Tēv öre nö öt hacheūḵngö minë sakāmö, öt hĕng tak öre töhayöökaṙen. Tön pòkūö yip katöllö Ò, Anga-aṅ nö hacheūḵngö në sakāmö.

T. MËTIV 13:41

Tīntö yip ma-aṅ-hāngare min ngòh Kūön Tarik; ngaich cha-a min nö hamūl ngaich kēḵngö u nö ṙā-ang im pūlngö Ò, nup töpô-òvkūö, yip tarik inrē tötlöökö la-en; ngaich kavalhötvö cha-a min nö i kūö öp töhūkūö tameūyö.

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

KÒLÒSĪ 3:12

Sā takatöllöng töm Tēv, töhet, töhanghuṙen inrē; lökten yin hayutlöre tö miṙēlōn, neūkölōn, yanāichö: ṙanëmen, manöiyö:

RŌMA 8:33

Achīö ap min mī-i vē katöllö ngam Tēv tī tö fālen? Ngam Tēv An mahalöökhölö.

T. YÔHAN 11:52

Öthöng pòkūö yik tarik, tön hōtu Anga-aṅ inrē nö hamūl yip kūön ngam Tēv nö hĕng, yip töparāta.

T. YÔHAN 10:16

Kēḵngö nômöre Chin kūö në pököre. Pökörevö Chin tö tahëng; nup töt aṅ ngih kiteūm. Anū-ö nup inrē hachōkūö Chu, ngaich hang ṙô Chu min anū-ö; ngaich hĕng kiteūm nö elkatòh ngam töhĕng tak Yōmpököre.

T. LŪKÖS 18:7

Röh ang min ngam Tēv nö kahòklökui vē katöllöre, vē vame-eṅkūö Ò nö peuheū harap ṙô. Pò ò nö tömarô-òtö manöiyö nö in cha.

T. MĀKÖS 13:22

Tön töminyôinyaṅ yip min Kristū, töminyôinyaṅ pròfĕt inrē; hameuktö minkahngö yip min, pinngangkūö inrē; pò cha nö hòṅ halō-ongkūö yip tökatöllöng; yĕn kô.

T. MËTIV 24:24

Tön maṙôngö yip min töminyôiny Kristū, töminyôiny pròfĕt inrē; pōyen hameukti yip min tö minkahngö, pinngangkūö inrē, pòn hòṅ halō-ongkūö yip tökatöllöng tö ngam Tēv, yĕn kô.

T. MËTIV 24:22

Yē nup sakāmö anu-ö öre nö öt hacheuḵeuyö, öt hĕng tak öre tö ötkô-òngvah. Kūö yip tökatöllöng pöri, anu-ö nö hacheu-euyö.

T. MËTIV 13:49

Ngatī an min ip manāgen ngih panam. Yihtöre min yip ma-aṅhānga; ngaich haköhngen yip tötlöök, tö yip tölöök;

T. MËTIV 12:42

Choholre min ap rāni aṅ lālòhngö, ip sakāmö kinṙôka, nö hol ngih tūmö, ngaich öthakôlò e min. Pò ò nö ṙā-ang-kūö ngih panam, nö yih, nö hang mikah Sòlòmön; hĕng taka ön ngòh ihih, tömööḵlö tö Sòlòmön.

Isayā 65:9

Kēnyö yip kūön chin min nö löknyö in Yāköp, löknyö in Yūtā inrē yip tö-amīnu tö në rôngö chu; aminten e yip min katöllö chu, iyöng umuh min inrē yip tarik chu.

Ranehlö 49:10

Öt ṙāken Yūtā an min ngam tinkung minā-aṅ, öt rēhĕn ngam kinchīrö mahayöng nö ṙākö hôi kalröön ò hanöng saha Siloh nö yih; in ò min yip tarik nö hang chöngö ò.

T. MĀKÖS 13:28

Haköp ngam inchōḵoṙô yin i ngam anychīr chōn. Yē ngam pak ò nö ayalnyöre, ngaich sīöpnyöre rōi inrē; akahalōn yī-ö ngaich, töm sikehngö nö röhta.