T. MĀKÖS 13:26 - TÖHET LĪPÖRE (Re-edited) Bible (BSI)

²⁶ Ngaich möl cha-a min nö meuk ngòh Kūön Tarik nö löktö el taṙul nö yih, nö holtö minhôiṅyö, kanôlò inrē.

T. MĀKÖS 13:26 Referans Kwoze

INMEUKHÖMAT 1:7

Yĕh meuk holtö taṙul an nö yih; ṙòkhöre mat inrē min nö meūkan, tö cha inrē yip samapngen Ò; ṙòkhöre inrē min yip miyöngö ing panam nö haṙivhen Ò. Ngatī an yēḵ. Āmen.

T. MĀKÖS 14:62

Ngaich ngö ṙô Yēsū, Chu-ö Chini. Meuk ngòh Kūön Tarik yin min nö ūichhaka nö lahāmö ap kanôlò, ngaich yih nö löktö el taṙul.

T. MËTIV 24:30

Ngaich möl nö meūkö minkahngö ngòh Kūön Tarik, nö el halīöngö; ngaich ṙòkhöre min vē aṅ ngih panam nö kōköre; ngaich cha-a min nö meuk yanihih ngòh Kūön Tarik nö el taṙul ngam halīöngö, holtö chöngö, kanôlò inrē.

T. MËTIV 16:27

Pò ngòh Kūön Tarik min nö yih, nö im kanôlò ngam Yöngre, nö holtö yip ma-aṅhāngare; ngaich kē-ĕkūö tarik min Anga-aṅ tö tö sā nup la-en cha.

T. MËTIV 25:31

Hē ngòh Kūön Tarik min nö yih nö im kanôlòre, ṙòkhöre min yip ma-ahānga nö hol ò; ūichlöre Anga-aṅ ngaich, nö el kantēra kanôlò.

T. MĀKÖS 8:38

Ngòh tösirōngkūö tö Chu, tö në ṙô Chu inrē, i ngih ma-asĕha, tököölö fālen tūmö; sumrōngngökūö ò min ngòh Kūön Tarik, yē Ò nö yih nö im kanôlò ngam Yöngre, nö holtö yip töhet ma-ahānga.

1 TÖSALÒNIKĒ 4:16

Pò ngam Mā min nö yônti nö ṙā-ang el halīöngö, nö holtöp inyôṙö ṙô, öp mākūö ma-ahānga, holtö fanöö aṅ im Tēv inrē: ngaich yip tökapah nö in Kristū nö urēhĕl min nö chōholre:

INLAHEN 1:11

Yī-ö tarik aṅ Kelelī; kūöyòh öi höng sökhaka, hatīönkö el halīöngö? Ngatī yanihih ön ngòh Yēsū min, ngam tö kēḵlöngö nö el halīöngö, nö ṙā-ang in yīö, sā mat yīö meūkan nö yônlö nö el halīöngö.

T. MËTIV 16:17

Ngaich ngö ṙô Yēsū tö’, Sīmōn kūön Yôna; tökôlò man me-eṅ; pòn öt alaha, öt mahām inrē. Mahameuktö e nö in meh; tön ngam Yöng Chu, el halīöngö.

T. MËTIV 16:28

Tökô-ò ṙô Chin tö yīö, Rēvre yip ihih samökhaka, yip töt kamlah kinpaha, hanöng saha mat cha nö meuṅk ngòh Kūön Tarik nö yih nö im pūlngöre.

T. MĀKÖS 9:1

Ngaich ngö ṙô Anga-aṅ tö cha, Tökô-òṙô chin tö yīö, Rēvre yip ihih tösökhak, tö-öl min nö kapah, hanöng saha mat cha nö meuk ngam pūlngö ngam Tēv nö yih nö holtö minhôiṅyö.

T. LŪKÖS 21:27

Ngaich möl cha-a min nö meuk yanihih ngòh Kūön Tarik, nö löktö el taṙul, nö holtö chöngöre ane inrē kanôlòre.

2 PĪTÖR 1:16

Pò hī öt höng tömken tö milichngen inlēnö inchōḵoṙô, hē ih mikahtölōn yīö, tö ngam minhôiṅyö ane inrē yanihih ngam Mā hī Yēsū Kristu, tön tökôta mat pöri mameuk aṅ i minā-aṅ in Ò.