T. MĀKÖS 13:23 - TÖHET LĪPÖRE (Re-edited) Bible (BSI)

²³ Hīnöre yin; yĕh meuk, ngaich Chin mu-urĕhnyôre tö yīö.

T. MĀKÖS 13:23 Referans Kwoze

2 PĪTÖR 3:17

Kahōlö, haṙēmngenre yin, yī-ö öi tö ngaich akahalōn, hôiṅ öt kē-ĕyö öi kum vanāichö yip tötlöök, hòṅ yīö öt fukngö ṙā-ang im kanöpö yīö.

T. YÔHAN 14:29

Ve-eny nang yīö Chin ngaich töngamuh, urēhĕkūö yanihih e; hòṅ yīö ṙātö ellōnre, yē e nö ngaich nö yih.

T. LŪKÖS 21:8

Ngaich ngö ṙô Anga-aṅ, Haṙēmngenre yin, hòṅ yīö öt halō-oikūö; tön maṙôngö yip min yamih nö i Mine-eny Chu, nö ngö ṙô, Anga-aṅ chin chū-ö; hēk ngö, Röhta öp hē. Ui tömrit cha.

T. MĀKÖS 13:5

Kaknyöre ngaich Yēsū, nö ngö ṙô tö cha, Haṙēmngenre yin, hòṅ yīö öt halō-oikūö tö tarik.

T. LŪKÖS 21:34

Haṙēmngenre pöri yī-ö, hòṅ nup ellōn yīö nö öt lumngantu tö sinṙākngen hinyōyö, ane inrē finëken ngih nômö; ngaich ilööṙen yanihih angū-ö sakāmö nö in yīö, nö sā inchīlö.

T. MĀKÖS 13:33

Hīnöre yī-ö; aṅhaṅtī, ve-ekūötēv inrē; tön öt akahalōn yin tö hē öp ṙētak.

T. MĀKÖS 13:9

Hīnöre pöri yī-ö. Tön kēten yīö yip min, nö i kinṙôka; fōho yin min inrē, el chūök vine-eṅkūötēv, i kūö kamhôṅka yin min, rācha inrē, öi sökhaka, tö pòkūö Chu; nö inmeukhömat cha.

T. MËTIV 7:15

“Ṙēmen tö yip tötkô-en pròfĕt, yip yamihtöre nö in yīö nö inyuttö uk pököre; ellōn cha pöri nup tötainy aṅ el-inchōn am.

T. MËTIV 24:25

Yĕh meuk, mu-urĕhnyôre Chin ve-eny nang yīö.

T. MĀKÖS 13:22

Tön töminyôinyaṅ yip min Kristū, töminyôinyaṅ pròfĕt inrē; hameuktö minkahngö yip min, pinngangkūö inrē; pò cha nö hòṅ halō-ongkūö yip tökatöllöng; yĕn kô.

T. MĀKÖS 13:24

Ip hē u pöri anū-ö sakāmö, unôichrit öp kanihngen; sangulkötimat min ngam tavūöi; öt yāngömat min ngam chingëṅt;