T. MĀKÖS 13:22 - TÖHET LĪPÖRE (Re-edited) Bible (BSI)

²² Tön töminyôinyaṅ yip min Kristū, töminyôinyaṅ pròfĕt inrē; hameuktö minkahngö yip min, pinngangkūö inrē; pò cha nö hòṅ halō-ongkūö yip tökatöllöng; yĕn kô.

T. MĀKÖS 13:22 Referans Kwoze

T. MËTIV 24:24

Tön maṙôngö yip min töminyôiny Kristū, töminyôiny pròfĕt inrē; pōyen hameukti yip min tö minkahngö, pinngangkūö inrē, pòn hòṅ halō-ongkūö yip tökatöllöng tö ngam Tēv, yĕn kô.

T. MĀKÖS 13:6

Maṙôngö yip yamih min nö i Mine-eny Chu, nö ngö ṙô, Chu-ö Chin Kristū; ngaich maṙôngö halō-ongkūö min.

1 YÔHAN 2:26

Ngaich tī chin kūichtö u nö in yīö, i inlahen cha, yip tö hòṅ halō-ongkūö yīö.

T. MËTIV 7:15

“Ṙēmen tö yip tötkô-en pròfĕt, yip yamihtöre nö in yīö nö inyuttö uk pököre; ellōn cha pöri nup tötainy aṅ el-inchōn am.

INMEUKHÖMAT 17:8

Ngam maheuṅk meh töṙeūla ngaich, lān rö-ö; ngaich ap nö hòṅ meutlö nö ṙā-ang el ngam ṙeūvö, töt lataṙeū-euv, ngaich chuh im öt inkôlò: ngaich acha-a min yip mī-iyöng kūö ngih panam nö pingangkūö, yip töt kūichi minë-eny nö i mat līpöre nômö, hēten tö ranehlö ngih panam, hē cha nö hatīönkö ngam töṙeūla tö ò sin nö kô, lān rö-ö, ngaich yih min.

1 YÔHAN 2:19

Kiröönngöre yik nö ṙāngen hī, rö-ö pöri sin cha-a nö aṅ in hī; ngaich öre cha-a nö iṙūöhen nö in hī, yē cha nö aṅ in hī: kiröönngöre pöri cha-a nö ngaich, hòṅ cha nö hameuktu, tö cha nö öt ṙòkhöre nö aṅ in hī.

T. YÔHAN 4:48

Lökten Yēsū nö ngö ṙô tö ò, Öt hōḵ yin ṙātö ellōnre, yē yīö öt meuk minkahngö, pinngangkūö inrē.

INMEUKHÖMAT 13:8

Ngaich ṙòkhöre cha-a min nö salāman yip mī-iyöng ing panam, ṙòkhöre yip töt kūichi minë-eny nö i mat ngam līpöre nômö aṅ im pököre, ngam tö fëli hēten tö ranehlö ngih panam.

2 TIMÒTĪ 2:19

Köp pöri nö sökhak ngam rööntö machööḵlö ngam Tēv, kintāntu aṅ in tö ngih, Akahakūö an ngam Mā tö cha yip tarik Ò: ane inrē, Hökngen cha nö kē-ĕngre nö ṙā-ang im ötlanöökö,

I. CHÖNGÖ 13:1

Yĕn hĕng tak ap pròfĕt, chamôhòlre nö el ṙôngö yīö, hēk öp hameūv heūvö, ngaich kētö minkahngö anga-aṅ nö in meh hēk pinngangkūö,

T. MĀKÖS 13:21

Ngaich yĕn tarīku min tö ngö ṙô tö yīö, Yĕh meuk, ihī-a ap yih Kristū, hēk Umū-aṅ, ui ṙātö ellōnre;

T. MĀKÖS 13:23

Hīnöre yin; yĕh meuk, ngaich Chin mu-urĕhnyôre tö yīö.

1 YÔHAN 2:18

Yī-ö kun nyīö, manā-aṅ ön ngih ṙētak: sā ahang yīö ngaich töp töminyôiny Kristū nö yih, pōyen yip ing töngamuh sumlòklöre töminyôiny Kristū; lökten in e in akahalōn tö e nö manā-aṅ nö ṙētak.