T. MĀKÖS 13:19 - TÖHET LĪPÖRE (Re-edited) Bible (BSI)

¹⁹ Pò u min anū-ö sakāmö nö yöng kanihngen, öt töngatī-ivö hē ranehlö tī ngam Tēv nö vī-il taṙòkhöre, söl ing töngamuh; öt hēk nö môkö.

T. MĀKÖS 13:19 Referans Kwoze

TANĪ-ĔL 12:1

Hē e min Maiköl nö chōholre, öp tökiröng kūön rācha öp yōm më tarik meh. Ngaich min öp umuh nö hē kanihngen, tötha-eh misī hēten tö pumnāmö tarik söl ip hē e pöri yip tarik meh min nö ṙānyu, ṙòkhöre yip tökôti minë-eny min nö kūichiyö nö i mat öp līpöre.

YŌ-ĔL 2:2

Sakāmö sinngūlö an anūnngen inrē, sakāmö taṙul tökufëi inrē sinngūlö, sā pinrātngö minlīlö peuheū nö i kui minë rôngö; tökiröng tarik tökalēk inrē öt töngatī-ivö i tö misī, öt rēhĕn min nö hēktöre unôichrit cha, pòrô nö i ṙôken samyeūheu töṙōl köl chap.

T. MËTIV 24:21

Tön yöng ötkanôlò öp min, öt töngati-ivö, hēten tö ranehlö ngih panam, söl ing töngamuh; öt rēhĕn nö môkö.

TANĪ-ĔL 9:26

Ngaich unôichrit nup tötafūöl anāi nët afta, öp töhachāmö kui min nö rökiṙen, ngaich rö-ö nö aṅhaṅv-in min; ngaich yip tarik öp kūön rācha öp yamih min nö tīṙōlngö ngam elpanam tö ngam töhet chūök inrē. Kumtö ṙanööingö öp manāngen e min, ngaich söl ip manāngen min öp kinyūngö umuh; pinyāingö, öp chöngö.

T. MĀKÖS 10:6

I ranehlö në tövīlöngö pöri, ngam Tēv nö vīlen cha nö kikōnyö, kikānö inrē.

TANĪ-ĔL 9:12

Haköpngö minë ṙô re an nö ngaich nup ṙô ò nö lā-alkūö hī yip mahayöngö hī inrē, cha-a yip mahayöngö hī, nö kētö kui hī tö tökiröng öt kanôlò; pòn keuheūtnyöre elkatòh ngam halīöngö nö öttöngatī-ivö nö sā ngam tö ngaich i Yērusalem.

INRĀMÖRE 2:13

Sitih ṙô öich kô-òren tö meh, sitih tī asāngen meh, ō me-eṅ kikānö kūön Yērusalem? Sitih tī öich kô asāngen meh,hòṅ chu haṙamkölōn meh Ō Me-eṅ tötchô-òv rēlö kūön Sīyôn? Pòn sā ṙôkti ngam mai ngam pinyāingö meh; chiāp tökô nö havanlen meh?

I. CHÖNGÖ 28:59

Ngaich min ngam Mā Tēv nö vī nup tölëlngökūö invah meh nö pinngangkūö, tölëlngökūö invah ap kūön meh, ngam tökiröng tölëlngökūö invah, nö tömarô-òten min, töchökhu nö invah, nö tömarô-òten.

I. CHÖNGÖ 4:32

Yĕh hatöntöre töngamuh tö nuk tö ngaichngen sakāmö, nuk mu-urēhĕkūö yīö, löktökūö ngam sakāmö hē tī ngam Tēv nö vīlö tarik nö i kūö ngih panam, löktökūö manā-angkūö ngam halīöngö söl im tahëng, yĕn töngāichu tökiröng tösā ngih, hēk yĕn tö ngaich nö hāngö tösā ngih?

INRĀMÖRE 4:6

Pò ngam chinökṙen ap kikānö kūön yip tarik chu nö kiröng tö sācha Sôtöm, ök töng öt rô-òtuṙen tinṙölngö, öt lūöltöre eltī nö in e.

INRĀMÖRE 1:12

Öt lökngöre öi yī-ö, ṙòkhöre yī-ö lamök ngö umuh? Ngëicha meuk inrē yĕn tö ngatī-iv miṙivlōn nö sā miṙivlōn chu ngam tökētu nö i kui chu, ngam tī ngam Mā Tēv ik sakāmö tökiröng tanānyö ò.

T. MĀKÖS 13:18

Ve-ekūötēv pöichö, hòṅ e nö öt hē el kumṙah.

T. MĀKÖS 13:20

Yē ngam Mā Tēv öre nö öt hacheūḵngö minë sakāmö, öt hĕng tak öre töhayöökaṙen. Tön pòkūö yip katöllö Ò, Anga-aṅ nö hacheūḵngö në sakāmö.

INMEUKHÖMAT 7:14

Ngaich ngö ṙô chū-ö tö ò, Me-eṅ man tö akahalōn. Ngaich ngö ṙô anga-aṅ tö chu, Cha-a yin vē ṙamā-ang el ök yöng kanihngen, ngaich cha-a nö söich minë tö aṙū-uti inyutre, nö i mahām ngam pököre nö mī-isohnyö mat u.