T. MĀKÖS 13:14 - TÖHET LĪPÖRE (Re-edited) Bible (BSI)

¹⁴ Yē yīö pöri min meuk ngam inyëḵngen ötinkôlò, ṙô ök pròfĕt Tanīĕl, sökhaka i chūökre nö rö-ö, (akaha elnang an yēḵ ngam vame-eṅkūö;) hökngen cha yip mi-i Yūtā nö meutngö nö i kui rôngö;

T. MĀKÖS 13:14 Referans Kwoze

TANĪ-ĔL 12:11

Ngaich löktökūö ngam ṙētak öp tö-iṙūöhen töföngö tökētu nö kē-ĕyö, ngaich öp sin-òkkūö öp ma-ahathanga nö asöklöng, ngaich mīnö nö umuh hĕng köṅny nëtòng machūötör anāi sakāmö.

TANĪ-ĔL 9:27

Ngaich anga-aṅ min nö vī öp tökalēḵ kinlēḵgô i tömaṙôngö nö hĕng afta; ngaich im tö ròngti afta anga-aṅ min nö ṙāngen nup tökētuvö; ngaich i rōi kël öp sin-òkkūö min nö yih öp pumyāihanga hanöng saha ngam chöngö nö keuheūten ngaich hōngtu kui min öp pumyāihanga.

TANĪ-ĔL 11:31

Meūkö min yip kumyung aṅ in ò nö hachōichngö ngam tempöl tö nup chūök kumyung inrē, ngaich kēngö nup tö-iṙūöhen töföngö tökētu. Ngaich cha-a min nö asöklö öp sin-òkkūö öp vamīten töhatngö min.

INMEUKHÖMAT 13:18

In e an ngam mikah. Anga-aṅ ngam tö-akaha elmat, hökngen ò nö kaheuk minkahngö ngam töṙeūla; tön angū-ö an minkahngö ngam tarik, ane ap minkahngö Ò inrē tafūölòng tafūöl anāi tafūöl.

INMEUKHÖMAT 1:3

Tökôlò öp anga-aṅ yēḵ, öp vame-eṅkūö e, acha-a inrē yip hamang minë ṙô mu-urĕhnyi, ngaich haköpö u nup tökūichi nö in e: pò ngam ṙētak nö röhta.

1 KÒRIN 14:20

Kahōlö, uh yin nyīö i ellōn; tëṅnö pöri i nup chanökhulōn; töpōyö pöri yī-ö i ellōn.

TANĪ-ĔL 8:13

Ngaich chū-ö hangṙô ök töhĕng tak töhet nö ṙô-òvö; ngaich ök tahëng töhet nö gö ṙô tö ök töhĕng tak töṙô-òvö, Tö irô-òten öng ngam tömeūkö innlahen ngam tötheumköre töföngö tökētu, ngam tökööl vamīten töhatngö, ane inrē kinëngö ngam töhet chūök tö më tömaṙôngö nö rööntu kui tö elröön?

ISIKĪ-ĔL 44:9

Lökten an ngam Mā Tēv nö ngö ṙô: Öt aṅ tahëng panam, töttunyīnyi ellōn alaha inrē, aṅ in yip aṅ tahëng panam yip mī-iyöng nö in yip tarik Isreal, nö kuhēthötre min nö el ngam töhet chūök chu.

INRĀMÖRE 1:10

Hateutnyökëlre an ngam lā-al ò nö i kui nup töpōi ṙāi chehen ò; hôṅ, meuk vē pumnāmö tarik an nö havīlö ngam töhet chūök ò, cha-a yip tösōtu tö meh nö kuhēthötre nö in yip ṙôngö meh.

T. MËTIV 13:51

Akaha elnang öi tö u nö ṙòkhöre?”