T. MĀKÖS 13:13 - TÖHET LĪPÖRE (Re-edited) Bible (BSI)

¹³ Surīkhu yin min tö taṙòkhöre tarik, töpòkūö ngam Mine-eny Chu. Ngòh pamītnyöre nö söl ip manā-aṅ, anga-aṅ min töhayöökaṙen.

T. MĀKÖS 13:13 Referans Kwoze

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

T. MËTIV 24:13

Ngòh tö köp pöri nö söl ip manāngen, hayöökaṙen min anga-aṅ.

T. LŪKÖS 6:22

Tökôlò yin yī-ö, yē tarik min nö kunyahaṅelmat tö yīö, yē cha inrē nö harēvngen yīö töre, nö sumrōngngökūö yīö, sā tötlöök, töpòkūö ngòh kūön Tarik.

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

T. YÔHAN 15:21

Tī cha pöri min në, nö in yīö, tö pòkūö Mine-eny Chu; pò cha nö öt akahakūö tö ngam tamīnten Chu.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

TANĪ-ĔL 12:12

Tökôlò öp anga-aṅ öp hamööka ngaich yih ip töhĕng köṅny lūöyòng lūöi anāi taneui sakāmö.

HEPRĀI 10:39

Rö-ö pöri ayī-ö aṅ in cha yip hamôkhötre nö im öt kanôlò; tön aṅ in in cha yip tö aṅhaṅv-in tö ṙinātö ellōn, im inyööken ngam nômö.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

T. YÔHAN 17:14

Ngaich surīkhu cha-a töng panam; pò cha nö öt aṅ ngih panam; sā Chu Chū-ö öt aṅ ngih panam.

T. LŪKÖS 21:17

Surīkhu min yī-ö tö taṙòkhöre tarik, töpòkūö Mine-eny Chu.

T. MËTIV 24:9

Hē e min cha-a nö kēten yīö nö im ötinkôlò; fëlö yīö min inrē. Surīkhu yin min tö taṙòkhöre tarik töpòkūö Mine-eny Chu.

INMEUKHÖMAT 3:10

Pò meh haköp ngam ṙô chu, ngam manöiyö chu inrē, aṅten meh chin min ip ṙētak kinlaha, öp ṙētak angū-ö, yamih nö i kui ngih panam nö ṙòkhöre, nö kamlaha cha yip mī-iyöng kūö ngih panam.

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

1 YÔHAN 3:13

Kahōlö: ui rötlö töng panam nö surīkhen yīö.

T. MĀKÖS 13:12

Kēḵngen höö mīnö tö mëmre, nö im kinpaha kēḵngö kūönre inrē ngam yöng; choholre inrē nyīö min nö lā-al yöngre, ngaich hōten cha nö kumpaha.