T. MĀKÖS 13:11 - TÖHET LĪPÖRE (Re-edited) Bible (BSI)

¹¹ Yē cha nö hachōten yīö im kinṙôka, nö kēḵngen yīö inrē, ui urĕh piṙūtköṙôre min; yē öp töng kinëḵeṅkūö yīö pöri hē e, angū-ö ngaich ṙô yīö; tön rö-ö yin yīö tö ṙô-òv, tön ngam Töhet Fanöinylö.

T. MĀKÖS 13:11 Referans Kwoze

INLAHEN 6:10

Ngaich cha-a nö öt kô tö mikah ò, tö ngam Töhet Fanöinylö, löknyö ṙô ò inrē.

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

1 KÒRIN 2:13

Anū-ö nup ṙô ih inrē, öt i nup ṙô mikah tarik nö haköphöti, tön i nup haköptö ngam Töhet Fanöinylö pöri, haṙong nup aṅ i töhet nö hol nup aṅ i töhet.

YĀKÖP 1:5

Yĕn hĕng tak in yīö tö īnuvö töp töhāṅten mikah, hökngen ò yĕh nö ve-ekūö ngam Tēv, ngam tötṙāyutī nö kē-ĕkūö taṙòkhöre, ngam tötmumṙē-ĕng inrē; ngaich kē-ĕvkūö min anga-aṅ tö e.

EFISÖS 3:5

Ngam tötkeuheūttöre nö mikahlōn yik mu-urĕh tumkölchap kūön tarik, nö sā inmeuktö e töngamuh nö i yip töhet tanīnöṙô Ò, pròfĕt inrē, lökten im Töhet Fanöinylö;

INLAHEN 4:31

Hē cha nö keuheūtô nö ve-ekūötēv, ngaich ök chūök cha nö hamūlöre, nö kayīna; ngaich ṙòkhöre cha-a nö tööḵlö tö ngam Töhet Fanöinylö; ngaich ötpa-ekūö nö ṙôtö nup ṙô ngam Tēv.

INLAHEN 2:4

Ngaich tööḵlö cha-a tö ngam Töhet Fanöinylö, ngaich kaknyöre tö ṙô tahëng ëlô, sā tī ngam Töhet Fanöinylö nö kētö ṙô cha.

Isayā 50:4

Kē-ĕvkūö chin tö ngam Mā Tēv tö litāk cha yip töhaköptu; pò chu hōtu akahalōn tö tīre ṙāpa aṅtī tö ngam ṙô ò ngam töcheingö. Kaheuk peuheū anga-aṅ nö aṅhen ngaich mi-īhenkö elnang chu öich hōtu hang sā cha yip töhaköptu.

2 SAMUĔL 23:2

In chu ṙô ngam Fanöinylö ngam Mā Tēv, i rōi litāk chu inrē ngam ṙô ò.

INLAHEN 3:13

Ngam Tēv Aprahām, Tēv Isak, Tēv Yāköp, Tēv yik muvöhngö hī inrē, nö hapōilö ngam Kūönre Yēsū, ngam tö kē-ĕyö tö yīö, ngaich mahayö nö i kūö Pailĕt, hē ò nö ṙāngen Ò lang.

T. YÔHAN 3:27

Ngaich sapṙô cha Yôhan nö ngö ṙô, Öt tarīkuvö tökô nö kahe-evö, yē e nö öt ṙamā-ang el halīöngö nö kine-eṅkūö ò.

T. MĀKÖS 13:9

Hīnöre pöri yī-ö. Tön kēten yīö yip min, nö i kinṙôka; fōho yin min inrē, el chūök vine-eṅkūötēv, i kūö kamhôṅka yin min, rācha inrē, öi sökhaka, tö pòkūö Chu; nö inmeukhömat cha.

T. MËTIV 10:17

Ṙēmen i yip tarikre; tön kēten yīö yip min, nö i yip kamhôṅka; fohoh yīö min inrē, nö el chūök vine-eṅkūötēv.

INLAHEN 7:55

Īnu pöri Satēpan tö ngam tö Töhet Fanöinylö; haköpmatre ngaich nö ngëichkö el halīöngö, ngaich meuk kanôlò ngam Tēv; sökhaka Ang Yēsū inrē nö lāhāmö ngam Tēv.

INLAHEN 6:15

Ngaich ṙòkhöre yik amūichhak, nö im kinṙôka nö hatīönkökūö Satēpan; ngaich ök kūö ò nö meūkö tö cha, nöng sā kūö ma-ahānga.

T. MĀKÖS 13:12

Kēḵngen höö mīnö tö mëmre, nö im kinpaha kēḵngö kūönre inrē ngam yöng; choholre inrē nyīö min nö lā-al yöngre, ngaich hōten cha nö kumpaha.

T. LŪKÖS 21:12

Urēhĕkūö u pöri, cha-a min nö kē-ĕ yīö, nö öthakôlò yīö, ane inrē kēten yīö nö el chūök vine-eṅkūötēv, el kinlōngö inrē; pòkūö Mine-eny Chu yin min kētu i kūö rācha, i kūö mahayöng inrē.