T. MĀKÖS 12:9 - TÖHET LĪPÖRE (Re-edited) Bible (BSI)

⁹ Sitih tī ap min töpanô-òṅvö? Yih ap min nö fëlngö yip yōm panô-òṅ; ngaich kēḵngö ngam panô-òṅ i yip tahëng.

T. MĀKÖS 12:9 Referans Kwoze

RŌMA 10:20

Ngö ṙô inrē Isayā nö halöök- nyôre, Kôti chin tö tī cha yip tötchamöhö chu; Meūkö chin tö cha yip töt mahatön- ken chu.

T. LŪKÖS 19:27

Më tökunyahaṅelmat pöri tö chu, më tö sōḵ nö hayöngö tö chu, kēten cha ihih; fëlngen cha nö i kūö chu.

T. MËTIV 21:43

Lökten Chin ngö ṙô tö yīö. Kē-ĕyö an min ngam pūlngö ngam Tēv, nö ṙā-ang in yīö; ngaich kētu min nö i yip tahëng tarik, yip kamëtö ṙòng.

T. MËTIV 22:7

Līn ngaich ngam rācha; ngaich tīnngö yip kumyungre nö fëlngö yip famël; föngngö öp panam cha inrē.

T. MËTIV 12:45

Kiröönngöre ngaich anga-aṅ, ngaich sat tak ngahôṅ tö holre tö sī-ö, tö mööḵlö ötlanöökö tö ò. Kuhēthötre cha-a, ngaich iyöng umuh; ngaich ngam mana-aṅ lāinyngen ngam tarik, nö höichngen tö ngam mu-urĕh, ngatī, an min inrē, i ngih tötlöök tūmö.

MALAKI 1:11

Pò e nö löktökūö maneutlö ngam tavūöi söl im maneuttö ò ngam minë-eny chu nö kiröng nö in yip tahëng mihëṅṙö tarik; ane inrē keuheūtngöre chūök lōpān nö kētu nö I minë-eny chu, töhet inrē tökētu: pò ngam minë-eny chu nö kiröng nö in vē tahëng mihëṅṙö tarik ṙô ngam Mā Tēv yip tömaṙôngö

YERIMIĀ 17:3

I kui rôngö el öp töngāṅ panam. Nup kanôlò meh töpōi ṙāi chehen meh inrē kē-ĕyö min tö chu nö nāichngen ṙāi öp tökööl meh keuheūtngöre chūök im panam meh.

Isayā 65:15

Ṙāngö ngam minë-eny re man min in yip katöllö chu nö ranôichngen, ngaich fëli min me-eṅ tö ngam Mā Tēv; ngaich pöri min yip tarik ò nö kaheūkö minë-eny tö ò tö tahëng.

Isayā 29:17

Röh öng nöng rahëchtöreṙen, ngaich Lëpenön min nö vītu nö taṙeū tömiṙònglö; ngaich kaheuktu min ngam taṙeū tö miṙònglö nö el chūöl chōn.

YÔSUĀ 23:15

Ngaich angū-ö min, nö sā nup taṙòkhöre tölöök nö teunghö kui yīö nuk ṙô ngam Tēv yīö ngam Mā Tēv nö in yīö, ngatī min ngam Mā Tēv nö kētö kui yīö tö nup tötlöök, hanöng saha tī ò nö hatngö tī tö yīö ṙā-ang i kūö ngih tölöök panam ngam kahëtö ngam Tēv yīö ngam Mā Tēv nö in yīö.

T. MËTIV 21:34

Ngaich hē kanöinyòng u, tīnngö mahalanṙenre anga-aṅ nö i yik yōm panô-òṅ, nö kēḵ nuk kintölö ò.

T. MĀKÖS 12:8

Ngaich kēḵ an cha-a, ngaich fëlan; kavalnyen ò ngaich lā-uk kinlōngö.

T. MĀKÖS 12:10

Öt ve-ekūö ngam töhet līpöre öi yī-ö, tö ngö, Ngam ihong tösōḵov tö yip mamānö, ngaich anga-aṅ nö yöngkūö sinkeukngö.