T. MĀKÖS 12:7 - TÖHET LĪPÖRE (Re-edited) Bible (BSI)

⁷ Ngaich pöri yik yōm panô-òṅ nö ngö ṙô töre, Ngòāng yih tö-amīnuvö; ta-a, töi fëlngen ò, hòṅ ngam amin nö ayī-ö min.

T. MĀKÖS 12:7 Referans Kwoze

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

INLAHEN 5:28

Samôten yīö in haköphöti i ngih Mine-eny. Yĕh meuk; ngaich yin yih tööḵöl tī tö Yerūsalem, tö ngam ṙô yīö haköphöti; öi hòṅ kētö kui ih tö mahām ngam tarik.

INLAHEN 2:23

Anga-aṅ tökē-ĕ, sā ngam töha-ehangen inlēnngenre tö ngam Tēv; ngaich harātu tö yīö, fëlö inrē, nö lökngö eltī yip tötlöök tarik;

T. MĀKÖS 12:12

Ngaich cha-a nö lukkenre nö hòṅ kēḵ An; ngaich pa-ekūö tö yik tömaṙôngö; pò cha nö akahalōn tö Ò nö ṙôten cha tö ngam inchōḵoṙô. Ṙāngen Ò cha-a ngaich, ngaich kiröönngöre.

T. MËTIV 2:16

Höng meuktöre anga-aṅ Heròt töre nö hayëḵeiṙen tö yik tö-akaha tarik, ngaich pōi lanīnö; tīnngö tarik, ngaich, ngaich fëlngö yik kikōnyö nyīö nö ṙòkhöre, yik mi-i Petlihem I nuptöng ranghö e inrē, yik tönët höiny samyeūhö yik ṙanëtcha inrē sā rò-angen ök ṙētak ò, nö hatön yik tö-akaha tarik.

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

Ranehlö 37:20

Yĕh tā-a, lökten, töi fëlngen ò, ngaich sukten ò nö ël në tö-ūlö, ngaich ngöṙô min ayī-ö, Kā-ayö ök tö nup töṙeūla tötlöök: ngaich min ayī-ö meuk lāinyngen nup heūvö ò.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

T. MËTIV 21:34

Ngaich hē kanöinyòng u, tīnngö mahalanṙenre anga-aṅ nö i yik yōm panô-òṅ, nö kēḵ nuk kintölö ò.

T. MĀKÖS 12:6

Ṙòngmö hĕngtit tak ök hanāngenlōn kūön ò; anga-aṅ manā-aṅ tahīntö ò nö in cha; nö ngö ṙô, Milēḵṙen yip min tö ngòh kūön chu.

T. MĀKÖS 12:8

Ngaich kēḵ an cha-a, ngaich fëlan; kavalnyen ò ngaich lā-uk kinlōngö.

HEPRĀI 1:2

Ngaich ve-ekūö hī, i manā-aṅ në sakāmö, nö lökten im Kūön Ò, ngam tī Ò nö tö-amīnuvö tö në taṙòkhöre. Anga-aṅ talöökö tī Ò nö vīlö në panam.