T. MĀKÖS 12:6 - TÖHET LĪPÖRE (Re-edited) Bible (BSI)

⁶ Ṙòngmö hĕngtit tak ök hanāngenlōn kūön ò; anga-aṅ manā-aṅ tahīntö ò nö in cha; nö ngö ṙô, Milēḵṙen yip min tö ngòh kūön chu.

T. MĀKÖS 12:6 Referans Kwoze

T. YÔHAN 1:34

Ngaich Chū-ö meuk eū-a tö Ò nö Anga-aṅ Kūön ngam Tēv.

T. MËTIV 3:17

Ngaich ök töngöṙô, lamöktö el halīöngö, “Hanāngenlōn Chu ön ngòh, nö Kūön Chu. In Ò Chin ṙāmölōn takô”

1 YÔHAN 4:9

I ngih, in meukti an ngam hanāngenlōn ngam Tēv nö in hī, pò ngam Tēv nö tīntö ngam töng hĕng maneuk kūönre nö ing panam, pòi hōtu aṅ lökten in Ò.

HEPRĀI 1:6

Ngaich hēk hē Ò nö kēhöt ngam lanòh nö ing panam, ngö ṙô Anga-aṅ, Hökngen vē taṙòkhöre ma-ahānga ngam Tēv nö afukngöre nö i kūö Ò.

T. YÔHAN 5:23

Pòn hōtu taṙòkhöre tarik nö ha-öiny ngam Kūön, sā cha nö ha-öiny ngam Yöng.

T. YÔHAN 3:35

Hāngenlōn ngam yöng töm Kūön; ngaich kētö eltī Ò tö taṙòkhöre.

T. YÔHAN 1:49

Ngaich Netenīĕl nö ngö ṙô tö Ò. Rappī; Kūön ngam Tēv Man; Rāchakūö Israĕl Man.

T. YÔHAN 1:18

Rö-ö nö hĕng tak tarik mameuk ngam Tēv nö ngaich. Ngam töng hĕng maneuk Kūön, ngam mi-im Yöng, Anga-aṅ vame-eny.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

T. LŪKÖS 9:35

Ngaich hĕng ök ṙô lamöktö ël ök taṙul, töngö, Kūön Chu Ön ngòh, katöllö Chu; hang ṙô Ò yin.

T. LŪKÖS 3:22

Ngaich ngam Töhet Fanöinylö nö yônti, nö sā tö alahavö nyö-öṅ nö i kui Ò; ngaich löktö el halīöngö ök ṙô yamih, Me-eṅ Man hanāngenlōn Chu, Öm Kūön Chu; in Meh Chin Öich ṙāmölōn takô.

T. MĀKÖS 9:7

Ngaich teungtöre ök taṙul nö hanyattökui cha; ngaich hĕng ök ṙô lamöktö el ök taṙul, tö ngö, Hanāngen Chu Ön ngòh nö Kūön Chu; hang ṙô Ò yin.

T. MĀKÖS 1:11

Ngaich hĕng ök ṙô lamöktö el halīöngö, tö ngö, Me-eṅ Man Kūön Chu, Öm hanāngenlōn Chu; in Meh Chin ṙāmölōn takô.

T. MËTIV 26:63

Höng öt ṙô-òvö pöri Yēsū. Ngaich ök mākūö kūönṙô nö ngö ṙô tö Ò, I ngam tö aṅ Tēv, ṙô Chin tö Meh, hòn Meh ve-eny nang ih, yē Meh Öm Me-eṅ Kristū, Öm Kūön ngam Tēv,

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

T. MËTIV 11:27

Kētu nun në taṙòkhöre nö in Chu, tö ngam Yöng Chu. Öt hĕng tak tö-akahakūö takô töm Kūön, höng ngam Yöng; öt rēhĕn nö hĕng tak tö-akahakūö takô töm Yöng, höng ngam Kūön, ane höng ngòh töhameukhumat, lōn ngam Kūön.

T. MËTIV 1:23

Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

Isayā 42:1

Meuk ngam tarik chu, ngam ṙahapkö chu; katöllö chu, in ò ap kumchiklōn chu: in ò tī chin tö ngam töhet fanöinylö chu; kētö inkaha fālen an min nö in vē pumnāmö tarik.

Salmai 2:12

Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.

Ranehlö 37:3

Töhāngenlōn ök Israĕl tö Yôsĕf mötlö tö yik kūön ò nö ṙòkhöre, pò ò nö kūön ò nö köiny; ngaich angā-aṅ nö vī tö-aṙū-uti inyut ò tömirūnö mat.

Ranehlö 22:12

Ngaich ngöṙô Anga-aṅ, Uh man ṙātö eltīre im nyīö kikōnyö, um rēhĕn tinī-iv in ò, tön ngaich Chin akahalōn tö meh pa-ekūö töngam Tēv, yĕh meuk tömeh ötma-iṅ ngam kikōnyö kūönre, ngam aṅ in Chu, kikōnyö kūön meh töng hĕngmaneuk.

Ranehlö 22:2

Ngaich ngöṙô Angā-aṅ, Kēḵ ap kūönre man kikōnyö; ap töng hĕng maneuk kūön meh kikōnyö ap hanāngenlōn meh, ang Isāk, kiröönngöre më-eṅ ip panam Mōrīa; in e kēḵten ò nö töföngö tökētu nö ikui nup rôngö nup ṙô Chu min tö meh.

Salmai 2:7

Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

Ranehlö 44:20

Ngaich ngöṙô īhö tö ngam mā chu, Yöngu in tö kikōnyö, tököiny nö tarik, hĕngtak inrē öp nyīö kūön kanöönyö ò, kun kūöṅnö, kapah ök mëm ò, höng angā-aṅ tītö öp tö-ōtre nö kūön ök yöngre kikānö, ngaich öp kikōnyö yöng ò nö hāngenlōn tö ò.

T. MĀKÖS 12:5

Tīnngö tahëng anga-aṅ hēk; ngaich fëlö anga-aṅ tö cha. Maṙôngö yik tahëng; rēvre tö foho, rēvre tö fëlö inrē.

T. MĀKÖS 12:7

Ngaich pöri yik yōm panô-òṅ nö ngö ṙô töre, Ngòāng yih tö-amīnuvö; ta-a, töi fëlngen ò, hòṅ ngam amin nö ayī-ö min.

3 YÔHAN 1:1

Tī öp kūönṙô, nö löö in Kaiyös, öp hanāngen chu im kanò-en.