T. MĀKÖS 12:41 - TÖHET LĪPÖRE (Re-edited) Bible (BSI)

⁴¹ Ūichngöre ngaich Anga-aṅ nö ranghö ök chūök rupīö tökētu; ngaich meuk tī yik tömaṙôngö nö chaphöt rupīö, nö el chūök tökētuvö. Maṙôngö yik tökôlò inrē töpōyen chahaphöt.

T. MĀKÖS 12:41 Referans Kwoze

2 RĀCHA 12:9

Kē ök kasòng rupīö pöri ök kūönṙô Yēhōiata, ngaich hamëngnyö ök inkūp e, ṙātö e ngaich nö ik mīs, nö lahāmö hī yĕi kuhēthötre el ngam patī ngam Mā Tēv: ngaich yik kūönṙô yōmkūö inkūp nö chaphöt aṅ e tö nuk rupīö nuk tökēnyu nö ṙā-ang el ök patī ngam Mā Tēv.

T. YÔHAN 8:20

Anū-ö ṙô Ò nö el chūök tökētuvö, hē Ò nö haköphöti nö el ök töhet chūök. Ngaich öt tarīku kamëḵ an; pòn öl tö yihih ök ṙētak Ò.

T. MËTIV 27:6

Ngaich yik mākūö kūönṙô nö chap nuk rupīö; ngaich ngö ṙô, Rö-ö nun nö kô nö chaplöngö nö ël öp chūök rupīö inlōnti; pò u nö ṙāi mahām.

T. MĀKÖS 12:42

Ngaich hĕng tak ök yāich tafīösi tö nët tāk chaphaphöt tö kun pësa, nö tö hĕng tāk tökiröng pësa.