T. MĀKÖS 12:40 - TÖHET LĪPÖRE (Re-edited) Bible (BSI)

⁴⁰ Cha-a yin ngameūkngö inlānen tafīösi; ngaich hanyatkö elmat nö marôta ṙô nö ve-ekūötēv. Cha-a yip min töpōyen ötinkôlò.

T. MĀKÖS 12:40 Referans Kwoze

T. LŪKÖS 20:47

Vē nyamā-ang inlahen vē tafīösi; ngaich hanyatkö-elmat inrē nö marôta ṙô nö ve-ekūötēv, cha-a yin ngaich min töpōyen ötinkôlò.

T. MËTIV 23:33

Yī-ö pēch, kūön sāṙen; sitih lökten öi min öt kô-òngvah el ngam chūök ötinkôlò?

T. MËTIV 23:13

Tötkôlò yin yī-ö, kamūich, Feresī inrē, mahanyatkö elmat; pò yīö harahkūö tarik nö im pūlngö ngam halīöngö; pò yīö öt kuhēthötre, öt rēhĕn halöngten yip töhòṅ kuhēthötre.

T. MËTIV 6:7

Uh man hĕngre ṙô, yē meh ve-ekūötēv, öm sā yip tahëng mihëṅṙö tarik; tön hāngö ṙô yip cha-a, tö lōnre, yĕn maṙôngö ṙô.

2 TIMÒTĪ 3:6

Tön aṅ in cha nun, yip ṙameulhötre nö el patī, ngaich kēḵ yip töt akaha kikānö nö hakövö, yip kameunkö tökööl, hachōḵoiṙen tö nup tö ṙōlkangen töchōich lōn,

ISIKĪ-ĔL 22:25

Yip kūön rācha ellōn ò nöng sā sumṙöp lāyön nö tich pôḵre; ngaich yip nö ngeūṅktö nômö tarik; ngaich yip nö kē kanôlò töpōi ṙāi chehen inrē; pōyen tī yip tö fafiösī nö ellōn e.

MAIKA 2:2

Yikngö nup taṙeū cha-a, ngaich kē-ĕ u; nup patī inrē ngaich kēngö u: hakihten tarik cha-a töp patī ò inrē, yip tarik nö uroh töp amin ò inrē.

T. MËTIV 23:14

Tötkôlò yin yī-ö kamūich, Feresī inrē, mahanyatkö elmat; pò yīö kumheūṅtngö inlanen tafīösi kikānö; ngaich hanyatkö elmat yī-ö inrē, marôta ṙô ve-ekūötēv. Lökten yin min töpōyen ötkanôlò.

T. MĀKÖS 12:39

Tö hòṅ lākūö anūichö nö el chūök vinë-eṅkūötēv, i nāhaṅl inrē.

2 KÒRIN 11:20

Pò yīö hökngenre tö tī ngòh tarik yē ò nö kēten yīö nö im inkövö, yē ò nö kāḵngen yīö, yē ò nö tingööpö yīö, yē ò nö hapōilöre, yē ò nö fatāk kūö yīö.