T. MĀKÖS 12:32 - TÖHET LĪPÖRE (Re-edited) Bible (BSI)

³² Ngaich ngö ṙô ök kamūich tö Ò, Mahaköphöti; huveū-eu ṙô takô Man; tö ngam Tēv nöng hĕng; öt tahënguvö höng Anga-aṅ,

T. MĀKÖS 12:32 Referans Kwoze

I. CHÖNGÖ 4:39

Akahalōn yēḵ lökten töngamuh, ṙāḵtö e inrē ellōn yīö, tö ngam Mā Tēv nö anga-aṅ Tēv el halīöngö lātulöng i kui ngih panam inrē lā taṙeūḵ; öt tahënguvö.

T. MĀKÖS 12:29

Ngaich Yēsū nö ngö ṙô, Ngih ön yih raneh i në chöngö nö ṙòkhöre, Ō Israĕl, hangihtöre; ngam Mā An, Tēv hī, höng hĕng tak An ngam Mā.

Isayā 46:9

Köpölōn tö nup misī urĕh: tön chū-ö chin Tēv, öt tahëngu; Tēv chin, öt tahëngu inrē tösā chu;

Isayā 45:18

Pòn ngö ṙô ngam Mā Tēv ngam vamīlö minë halīöngö; anga-aṅ an Tēv; ngam mamul ngih tumlat vī-i e inrē; haköpngö e an, vī-i an tö ò nö öt payāyaṙen, mūlö e an nö chūök elyöngö: Chū-ö chin Mā Tēv öt tahënguvö.

Isayā 45:14

Ngö ṙô An ngam Mā Tēv, Ap kanôlò Aikup, tö chehen, tö-inyihka tö aṅ Itī-ōpia aṅ Sīpīa inrē, tarik tömarôlòng, yih min nö havāngtöre nö in meh, ngaich cha-a min nö tarik meh; tömrit meh yip min; inlöktöhëch yip min nö havāngtöre nö yih inrē nö in meh. Vë-ekūö meh yip min, nö ngö ṙô, Kô-en an ngam Tēv nö in meh; öt tahënguvö inrē, öt tēvu hol ò.

Isayā 44:8

Un pa-ekūö, un rēhĕn nö vöö; röh öich ngaich ve-enynang yīö löktökūö misī öich ṙô tö e? Yī-ö yin hamang ṙô chu! Tēvu hòng nö hol chu? Hôṅ, öt Ihōnguvö; hö-ö chin akahakūö tö inrē.

I. CHÖNGÖ 6:4

Hangihtöre, O Israĕl: ngam Mā Tēv ngam Tēv hī höng hĕng tak an nö Mā Tēv:

I. CHÖNGÖ 4:35

Yī-ö yin töhameukhumat tö e, pò yīö hōtu akahalōn tö ngam Mā Tēv nö anga-aṅ Tēv; öt hōlu an tö tahëng.

I. CHÖNGÖ 5:7

Uh man tēvu tö tahëng i kūö chu.

T. MĀKÖS 12:33

Ngaich ngam hanāngen tö Ò, holtö ellōnre, holtö mikah, i tölngöre; ngam hanāngenlōn inrē tö holre, sāre töre; nö mööḵlö tö nup tökeuheūttöre töföngö tökētuvö.