T. MĀKÖS 12:3 - TÖHET LĪPÖRE (Re-edited) Bible (BSI)

³ Kēḵ an ngaich cha-a; fohan ngaich; tīnngen ò ngaich nöng öt kūmuṙen.

T. MĀKÖS 12:3 Referans Kwoze

1 TÖSALÒNIKĒ 2:15

Yip tö hĕnghöre fëlngö ngam Mā Yēsū, tö yik pròfĕt inrē, ngaich ahōnyen hī, ngaich öt ṙāmölōn tī tö ngam Tēv, harīkngenre tö taṙòkhöre tarik;

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

YERIMIĀ 29:26

Vīlöng man tö ngam Mā Tēv öm kūönṙô ṙënngen Yēhōyatā ök kūönṙô, öm hayōm ngih patī ngam Mā Tēv öm lātulöng tö yip tökatūöyaṙen tarik yip vamë-eny, nö hōten ò nö halökhötvö halöki likeun inrē.

NAHIMIĀ 9:26

Sönngenre pöri cha-a nö minôṙô nö ahôngen meh inrē ngaich kavalngö ngam chöngö nö lā uk re ngaich fëlngö yik pròfĕt meh, yik vamë-ekūö cha nö hōten cha nö havantöre nö in meh nö hēk, ngaich cha-a inrē nö kēken tökiröng nö inchōichngö minë-eny.

2 KINṘÖTNGÖ 36:16

Ngaich pöri cha-a nöng minônngen yik ma-ahānga aṅ im Tēv, öt chumkūöṙen tö ò, minūöṙô inrē tö yik pròfĕt, hanöng saha ngam lanīnö ngam Mā Tēv nö choholre nö lā-al yik tarik ò, hanöng saha e nö öt lanë-enṙen.

YERIMIĀ 44:16

Sā ngam ṙô ngam ṙô meh in ih i minë-eny ngam Mā Tēv, hö-ö in hòṅ hangṙô meh,

YERIMIĀ 20:2

Ngaich Pasūr nö fōhoh Yarimiā ök pròfĕt, ngaich halökngen ò nö i nup inlök el ap Lātulöng Inkūp Penyamin ip patī ngam Mā Tēv.

YERIMIĀ 2:30

Chök alaha tī chin chökṙen yip kūön yīö, hö-ö cha-a nö kēḵ chinökṙenre; keuheūtngöre yik pròfĕt tökūö sanët yīö sā ngòh lāyön töyal.

2 KINṘÖTNGÖ 16:10

Ngaich Asā nö tainy nö ik mameuk, halökngen ò ngaich nö el kinlōngö, pò ò nö tainy nö in ò kūö e. Öt milēḵ inrē Asā nö chökhutī tö yik rīkre tarik hē e.

1 RĀCHA 22:27

Ngö ṙô pöchö, Ngö ṙô öp rācha, Chaphöt ngòh tarik el kinlōngö, ha-aṅlen ò tö nyā-aṅkūö inkihten ha-ôkan inrē tö mak inkihten, hanöng saha yanīhih chu ip lanāmö.

1 RĀCHA 19:14

Ngaich ngö ṙô anga-aṅ, Kalē-ĕlōn chin im Mā Tēv, ngam Tēv yip tömaṙôngö; pò yip kūön Israĕl nö ṙāngö ngam kinlēḵngô meh, fëlngö yik pròfĕt meh inrē nö aṅtī tö fël: ngaich chin höng chū-ö tītö tö-ōtre; ngaich cha-a nö chöh ngih nômö chu nö hòṅ kēngö e.

1 RĀCHA 19:10

Ngaich ngö ṙô anga-aṅ, Kalē-ĕlōn chin im Mā Tēv, ngam Tēv yip tömaṙôngö; pò yip kūön Israĕl nö ṙāngö ngam kinlēḵngô, tiṙölngö nuk tahāklö meh, fëlngö yik pròfĕt meh nö aṅtī tö fël: ngaich chin, höng chū-ö tītö tö-ōtre; ngaich cha-a nö chöh ngih nômö chu nö hòṅ kēngö e.

1 RĀCHA 18:13

Öt vënyu ök tī chu nö i ngam Mā chu hē Yēsipel nö fëlngö yik pròfĕt ngam Mā Tēv, tö tī chu hēngòng hayunngö tö tarik yip pròfĕt ngam Mā Tēv nö kö taneui anāi el töhĕng kinluhu ngaich ha-aṅlen cha ha-ôkö cha inrē tö mak?

1 RĀCHA 18:4

Pò e nö ngö inlahen, hē Yēsīpel nö fëlngö yik pròfĕt ngam Mā Tēv ngaich ang Opĕtiā nö hēngòng kahë tö yik pròfĕt ngaich hayunngen cha nö kö taneui anāi nö el töhĕng kinluhu, ngaich ha-aṅlen cha ha-ôkö cha inrē tö mak).

T. MËTIV 15:22

Ngaich hĕng tak ök kikānö aṅ Kanā-an, kumnyī-inyre nö ṙā-ang umuh; huḵa, nö ngö ṙô, Aheūklölōn tö chu; Ō Mā, Me-eṅ Kūön Tāvit. Öt kôlò ap kūön chu kikānö, īnu tö sī-ö.

T. MĀKÖS 12:2

Ngaich ip ṙētak nö hĕng tak tahīnngö anga-aṅ, tö kamūönkūöre, nö i yik yōm panô-òṅ; pòn hōtu anga-aṅ nö kēḵ nup kintölö ṙòng angkūr, nö i yik yōm panô-òṅ.

T. MĀKÖS 12:4

Ngaich hēk anga-aṅ nö tīnngö tahëng kamūönkūöre nö in cha. Ngaich nyahaṅ elkui anga-aṅ tö tī cha ngaich kēka alaha inrē nö sumrōngngikūö.