T. MĀKÖS 12:29 - TÖHET LĪPÖRE (Re-edited) Bible (BSI)

²⁹ Ngaich Yēsū nö ngö ṙô, Ngih ön yih raneh i në chöngö nö ṙòkhöre, Ō Israĕl, hangihtöre; ngam Mā An, Tēv hī, höng hĕng tak An ngam Mā.

T. MĀKÖS 12:29 Referans Kwoze

I. CHÖNGÖ 6:4

Hangihtöre, O Israĕl: ngam Mā Tēv ngam Tēv hī höng hĕng tak an nö Mā Tēv:

T. LŪKÖS 10:27

Ngaich anga-aṅ nö sapṙô Ò, nö ngö ṙô, Hāngenlōn man tö ngam Mā Tēvre, holtö ellōnre, holtö nômöre, holtö kanô-òṅre; holtö kuilōnre; ane inrē hāngenlōn tö holre, sāre töre.

KALATĪ 3:20

Öt höng mī-i hôi tö hĕng tak an ngam ma-ahôitöre; hĕng tak pöri ngam Tēv.

RŌMA 3:30

Yĕn ngatī ngam Tēv nö töng hĕng, ngaich anga-aṅ min nö halöök vē tö tunyīnyi lökten im mikah, vē töt tunyīnyi inrē nö löklen im mikah.

NGAM LĪPÖRE KAHŪICH YŪT 1:25

Im töng hĕng Tēv mahayööken hī, lökten Yēsū Kristū mahayööken hī kanôlò, minā-aṅ, pūlngö, chöngö inrē, ha-eh misī, töngamuh inrē höng örheūheu inrē. Āmen.

1 KÒRIN 8:4

Lökten, i inlahen nyinā-aṅ nup tökētu nö i insātēv, akahalōn in tö insātēv nöng törö-öv nö ing panam, törö-öv inrē tahëng tēv, höng ngam Tēv.

YĀKÖP 2:19

Ṙātö ellōnre man yih tö ngam Tēv nöng hĕng; huveūen me-eṅ: ṙātö ellōnre inrē vē sī-ö nö kichëiyöre.

1 TIMÒTĪ 2:5

Pòn höng hĕng ngam Tēv, hĕng tak vamë-eṅlkui inrē i hôi ngam Tēv tö tarik, ngam Tarik Kristū Yēsū.

I. CHÖNGÖ 30:6

Ngaich ngam Tēv meh min ngam Mā Tēv nö tunyinyngö ellōn meh, ellōn öp kūön meh inrē, hôm hāngenlōn tö ngam Tēv re ngam Mā Tēv öm keuheūttö ellōnre, keuheūttö nômöre inrē, hôṅ meh aṅ.

1 TIMÒTĪ 1:5

Ngam hanāngenlōn pöri manā-angrit ngam chöngö nö löknyö öp töhet ellōn lanöökö el kuilōn inrē ngam mikah inrē töt höng töl:

T. MËTIV 23:9

Ui yöngrevö ṙô tö tarik, ing panam; tön hĕng tak An ngam Yöng yīö, ngam el halīöngö.

T. MËTIV 10:37

Ngòh tömötlö hanāngenlōn tö yöngre tö Chu, öt tökô nö in Chu. Ngòh tömötlö hanāngenlōn tö kūönre tö Chu, öt tökô nö in Chu.

I. CHÖNGÖ 10:12

Yĕh pöchö töngamuh, Israĕl, suh ap hinôtö meh tö ngam Tēv ngam Mā Tēv meh, tön hōtu man pa-ekūö tö ngam Tēv ngam Mā Tēv meh, lök el nup talöökö ò, hāngenlōn tö ò, lök la-en ngam Tēv ngam Mā Tēv meh, keuheūttö ellōnre keuheūttö nômöre inrē,

INCHŌḴ-OṘÔ 23:26

Kūön chu, kēḵ töp ellōn re in chu, hökngen minë mat meh inrē nö ngëichngö në talöökö chu.

Salmai 86:10

Pò Meh Öm tikiröng, vamī pinngangkūö inrē: höng hĕng tak Man Tēv.