T. MĀKÖS 12:26 - TÖHET LĪPÖRE (Re-edited) Bible (BSI)

²⁶ I inlahen vē tö kapah, tö cha min nö hachohlöngö; öt ve-ekūö öp līpöre Môsös öi, ip el Töyul, tö ṙô ngam Tēv nö ve-ekūö ò, nö ngö ṙô, Chu-ö Chin Tēv Aprahām, Tēv Isak, Tēv Yāköp inrē?

T. MĀKÖS 12:26 Referans Kwoze

T. LŪKÖS 20:37

Ngam invanlö vē tökapah pöri, hameukhumat öi ngaich tö Môsös, im, chūök inlahen ök töyul; hē ò nö havëkö ngam Mā. Ngam Tēv Aprahām, ngam Tēv Yāköp inrē.

Ranehlö 33:20

In e ngaich angā-aṅ nö vīlö ök tahāklö, ngaich kaheūkö e nö Eleohē-Israĕl.

MANEUTNYI 3:16

Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

Ranehlö 32:9

Ngaich Yāköp nö ngöṙô, Ō Tēv, öp yöng chu inrē Isāk, Ō Mā Tēv, më-eṅ tö ngöṙô, tö chu, Havantöre man ip panam meh, i makalaha meh inrē, Hakôlò meh Chin min:

Ranehlö 31:42

Yĕn öt in chu öre ngam Tēv öp yöng chu, ngam Tēv Aprahām, ngam pinhe-eṅkūö tö Isāk inrē, kô-òngvahtī man öre töngamuh tīnngen chu höng chanlööpṙen. Meuk kanihngen chu An ngam Tēv, la-en nö kël chu inrē, ngaich vëken meh vahë tö hatööm.

Ranehlö 26:24

Ngaich ngam Mā Tēv nö hameuktöre nö in ò im angū-ö hatööm, ngaich ngöṙô, Chu-ö Chin Tēv Aprahām ök yöng meh kikōnyö: un pa-ekūö, tön holtöṙah meh Chin, hakôlò meh Chin min, ṙūölö ṙôken ap kūön meh min inrē, pòkūö ök kūön alaha Chu Aprahām.

T. MĀKÖS 12:10

Öt ve-ekūö ngam töhet līpöre öi yī-ö, tö ngö, Ngam ihong tösōḵov tö yip mamānö, ngaich anga-aṅ nö yöngkūö sinkeukngö.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

T. MĀKÖS 12:25

Yē cha min nö choholre nö hēk, nö ṙā-ang yip tökapah, öt pinīhuvö cha-a, öt rēhĕn nö kē-ĕyö nö im inpīhöre; höng sā ma-ahānga pöri nö el halīöngö.

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

RŌMA 11:2

Öt kavalngö yik tarikre an ngam Tēv, yik mikahkūö Ò nö lā-urĕh. Öt akahalōn öi tö ṙô ngam Töhet līpöre tö inlahen Ēlaicha? Tö ò nö vë-ekūö ngam Tēv nö lā-al Israĕl,