T. MĀKÖS 12:2 - TÖHET LĪPÖRE (Re-edited) Bible (BSI)

² Ngaich ip ṙētak nö hĕng tak tahīnngö anga-aṅ, tö kamūönkūöre, nö i yik yōm panô-òṅ; pòn hōtu anga-aṅ nö kēḵ nup kintölö ṙòng angkūr, nö i yik yōm panô-òṅ.

T. MĀKÖS 12:2 Referans Kwoze

HEPRĀI 1:1

Ṙōlkangen inlaha, ṙōlheuh inrē, ngam Tēv misī nö ve-ekūö yik muvöhngö hī, lökten i yik pròfĕt;

T. LŪKÖS 20:10

Ip hē anga-aṅ nö tīnngö kūönre, nö i yip mahayōm panô-òṅ pòn hōtu cha-a nö kē-ĕkūö ò tö ṙòng nup angkūr. Ngaich pöri më yōm panô-òṅ nö fëlan; ngaich tīnngen ò, nöng öt kūmuṙen,

T. LŪKÖS 12:48

Ngòh tötakahalōn pöri, ngaich la-evṙen tö nup löktö finôhòre; ngaich anga-aṅ nö öt ṙōlhöt finôhò. Ngòh töpōyen kine-eṅkūö, anga-aṅ min töpōyen invëkakūö. Ngòh kahe-ekūö cha, tö töpōyen, in ò min cha-a nö pōyen havëkö.

T. MËTIV 21:34

Ngaich hē kanöinyòng u, tīnngö mahalanṙenre anga-aṅ nö i yik yōm panô-òṅ, nö kēḵ nuk kintölö ò.

SAKARIĀ 7:7

Hö-ö öyih hòṅ hang në ṙô në ṙô ngam Mā Tēv nö hū-a nö lökten in yik mu-urĕh pròfĕt, hē Yērusalem misī nö āṅhavkūö kôlò inrē, nup elpanam inrē in e mahavīlen e, aṅhaṅvkūö inrē ngam lòhngö töṙā-akūö panam?

MAIKA 7:1

Ötkôlò chin chū-ö! Pò chu höng sā cha hē cha nö hamūl nupṙòng sikehgö, sā nup angkūr pintu-en kamrān angkūr: öt nyā-av in tö tökupōkhaka; yīkölōn chin töp raneh tököinyṙòng anychīr.

YERIMIĀ 44:4

Sön chū-ö höng iṙūöhen tīntö yip tarik re pròfĕt in yīö, nö ngö ṙô, Mah, uh yin la-evṙen tö ngih sin-òkkūö ngam surīkhö chu!

YERIMIĀ 35:15

Tīntö yip tarik re chin in yīö yip pròfĕt, tīnten cha nöng iṙūöhen, nö ngö ṙô, Kö havööngökūöre yin ṙā-ang tötlöök talöököre, halööktit nup la-en yīö inrē, uh yī-ö inrē tömrit tahëng tēv öi lök la-en u,ngaich yī-ö min iyöng im panam ngam kahëtö chu in yīö in yik yöng yīö inrē. Hö-ö pöri yī-ö asītö el nangre hēk hangṙô chu.

Salmai 1:3

Sā öp chōn min ang-aṅ töteūchtu nö I kui öp töhëm mak, öp töṙônguvö ip hē re: öp töt nyangngö rōi, kôlò min inrē nup töng vahīṙen ò.

ESRĀ 9:11

Minë chöngö Meh in yik tarik Meh pròfĕt, öm ngö ṙô, Ngam panam chūök meh kuhēthötre, öm kē-ĕ e nö amin meh, panam töthet an nö hol re tö inchōichngöre tö yip tarik aṅ kūö në panam, nö aṅtī tö nup sin-òkkūö tanöölö e nö keuheūtngöre chūök tö nup öthanëtö cha inrē.

2 KINṘÖTNGÖ 36:15

Ngam Mā Tēv, ngam Tēv yik yöng cha i ṙūöhen nö tīntö ma-ahānga nö in cha pò ò nö aṙē-ĕlōn tö yik tarikre tö ngam elyöngö ò inrē;

2 RĀCHA 17:13

Hameukhömat Israĕl ngam Mā Tēv. Yūtā inrē, nö lök tö eltī pròfĕt in yik mameuk inrē, nö ngö ṙô, Havööngökūöre yin tö minë tötlöök la-en, ngaich haköp në chöngö chu, asā nup chöngö nö ṙòkhöre nuk inchöngten yik muvöhngö yīö, nuk sahööm tö chu in yīö nö löktö eltī yip tarik chu pròfĕt.

T. MĀKÖS 12:1

Kaknyöre ngaich Anga-aṅ nö ve-ekūö cha nö inchōḵovṙô. Hĕng taka ök tarik vamī panô-òṅ angkūr; havīlö e ngaich, nö kalonglö e; ngaich ul chūök kinrān nup angkūr; ngaich vīlö ihong patī; ngaich haṙāyö tö yik yōm panô-òṅ. Kiröönngöre ngaich anga-aṅ i tahëng pumnāmö.

T. MĀKÖS 12:3

Kēḵ an ngaich cha-a; fohan ngaich; tīnngen ò ngaich nöng öt kūmuṙen.