T. MĀKÖS 12:17 - TÖHET LĪPÖRE (Re-edited) Bible (BSI)

¹⁷ Ngaich ngö ṙô Yēsū tö cha, Kē-ĕkūö Kaisöör tö nup aṅ in Kaisöör. Kē-ĕkūö ngm Tēv inrē tö nup aṅ im Tēv. Ngaich uṙeh takô cha-a tö Ò.

T. MĀKÖS 12:17 Referans Kwoze

RŌMA 13:7

Kētö nup lamöö in cha: ṙāi inahati ip lööṙö e; ṙāi kinëḵeng, ṙinahöt chehen inrē, ip lööṙö e; pinheṅeṅkūö, im tö pahe-evö: minlēḵṙen, im tö milēkaṙen.

1 PĪTÖR 2:17

Milēḵṙen tö taṙòkhöre tarik. Hāngenlōn tö māṅre. Pahe-e ngam Tēv. Milēḵṙen töm rācha.

RŌMA 6:13

Ui rēhĕn kētö nup tūmö alahare im tökööl nö aṅtī nup ötlanöökö, kētöre pöri yī-ö im Tēv öi tö aṅ ṙā-ang yip tökapah; nup tūmö alaha yīö inrē nö aṅtī ngam lanöökö nö im Tēv.

INCHŌḴ-OṘÔ 24:21

Kūön chu, pa-ekūö töm Mā Tēv ngam rācha inrē, un öt hāngö chöngö nyöre cha-a;

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

T. MËTIV 22:46

Ngaich öt hĕng tak tökô nö sapṙô Ò; ngaich hēngen tö e angū-ö sakāmö, nö öt hĕng tak mahatönan.

T. MËTIV 22:22

Ngaich hē cha nö hāngö e, uṙeh cha-a ngaich, ngaich kiröönngöre nö ṙāngen Ò.

MALAKI 1:6

Milēḵṙen an ngam nyīö kikōnyö tö ngam yöng re kikōnyö, ngam tarik alaha inrē tö ngam yöngṙen re. Ngaich yē chu chū-ö öich yöng, isuh ap minlēken chu? Yē chu chū-ö inrē yöngṙen, isuh ap pinhë-eṅ chu? ṙô ngam Mā Tēv yip tömaṙôngö nö in yīö, Ō yī-ö kūönṙô, maha-āichngen mine-eny chu. Ngaich ngö ṙô yī-ö, Sitih tī öi ha-āichngen mine-eny meh?

T. MĀKÖS 12:30

Hāngenlōn man tö ngam Mā Tēvre, holtö nômöre, holtö kuilōnre, i tölngöre. Angū-ö an raneh chöngö.

T. MËTIV 22:33

Ngaich hē yik tömaṙôngö nö hāngö e; ngaich pingangkūö cha-a tö ṙô Ò nö haköphöti.

INCHŌḴ-OṘÔ 23:26

Kūön chu, kēḵ töp ellōn re in chu, hökngen minë mat meh inrē nö ngëichngö në talöökö chu.

T. MËTIV 8:10

Hē Yēsū nö hāṅngö e, uṙeh ngaich Anga-aṅ; ngaich ngö ṙô tö yik tamömritre, “Tökô-ò ṙô Chin tö yīö, Öt kanôtuvökūö Chin tö töngatī mikah; hö-ö, öt i Israël.

T. MËTIV 22:21

Ngaich ngö ṙô cha-a tö Ò, Insā-a Kaisör. Ngaich ngö ṙô Anga-aṅ tö cha, Kē-ĕkūö Kaisör, tö nup aṅ in Kaisör, kē-ĕkūö ngam Tēv, tö nup aṅ im Tēv.

T. MĀKÖS 12:16

Ngaich kētö e cha-a. Ngaich ngö ṙô Anga-aṅ tö cha, Insā-a chīö öng ngih? Ngam kinūchö inrē? Ngaich ngö ṙô cha-a tö Ò, Insā-a Kaisöör.

T. LŪKÖS 20:25

Ngaich ngö ṙô Anga-aṅ tö cha, Kē-ĕkūö Kaisöör tö nup chehen Kaisöör. Kē-ĕkūö ngam Tēv tö nup chehen ngam Tēv.