T. MĀKÖS 12:14 - TÖHET LĪPÖRE (Re-edited) Bible (BSI)

¹⁴ Ngaich hē cha nö yihtöre nö in Ò, ngö ṙô cha-a ngaich tö Ò, Mahaköphöti; akahalōn in tö Meh tökô-en. Rö-ö Man tö hĕng tak ngahëchkökūö; pò Meh öt atöltuṙen tö tarik. Im kanô-en pöri Öm haköptö talöökö ngam Tēv. Töhuveū-en öng ngam kine-eṅkūö Kaisöör tö ṙāi chūökö? Rö-ö ṙöng? Kē-ĕti öi yih? Uh ṙöng?

T. MĀKÖS 12:14 Referans Kwoze

1 TÖSALÒNIKĒ 2:4

Pò ih ngaich tö hōḵov tö ngam Tēv öi hayöngtu im tölöök inhānga, ngaich ngatī ṙô īhö; öt haṙamlōn tarik, tön ngam Tēv ngam kamlah ellōn ih.

KALATĪ 2:6

In cha pöri yip tö-eūnyu nö tö akaha öp tö sitih tö cha misī, öt tö-uroh angū-ö nö in chu: öt atöltu kūö an ngam Tēv cha-a yip ṙô chu, yip tö-akaha, öt kahëtu nö in chu:

KALATĪ 1:10

Līp tarik ṙöng öich töngamuh, hēk, ngam Tēv? Hēk, lukkenre öchu haṙamlōn tarik? Yē chu ṙòngmöng haṙamlōn tarik, ngaich öt tö hakövö öre chu-ö tö Kristū.

2 KÒRIN 5:16

Lökten in töngamuhuten öt akahakūö tö tarik nö im alaha: pòrô öi akahalōn tö Kristū nö im alaha, rö-ö in töngamuh akahalōn.

2 KÒRIN 5:11

Akahalōn in tö pinhe-eṅkūö tö ngam Tēv, ngaich hōtö tarik, hameuktu pöri ihö im Tēv; ngaich hameuktu inrē tö lōn chu el kuilōn yīö.

2 KÒRIN 2:17

Pò hī öt sā tömaṙôngö, hachōichngö ṙô ngam Tēv, im kanô-en pöri: sā aṅ im Tēv pöri, ṙô tö aṅ in Kristū ihö i kūö ngam Tēv.

2 KÒRIN 2:2

Pò chu, yē chu miṙivngö lōn yīö, achīö ap pökeh tö ṙāmölōn tī tö chu, tön anga-aṅ ngam tö miṙīvilōn tö chu?

T. YÔHAN 7:18

Ngòh töng ṙô töre, lamukkenre nö hòṅ eū-eu. Ngòh lamukkö ineū-euṅ ngam tamīntöre, anga-aṅ tökô-en; öt īnu anga-aṅ tö michūṙen.

RŌMA 13:6

Angū-ö an lökten yīö inrē tī-iv tö ṙāi inahtö: pò cha nö la-en tö la-en ngam Tēv nö meukṙen, örheūheu nö höngö e angū-ö.

T. LŪKÖS 23:2

Ngaich ve-eny fālen Ò, nö ngö ṙô, Kôtökūö in, tö ngòh tarik mahalō-ongkūö vē tarik ih, samôtö kinëtö ṙāi chūök, nö in Kaisöör; ngaich Anga-aṅ nö Kristū tö ṙôre; nö Rācha.

T. LŪKÖS 20:22

Kô-òren öi kē-ĕkūö Kaisöör tö ṙehe inchūökkökūö panam? Rö-ö ṙöng?

T. MĀKÖS 14:45

Chalô anga-aṅ, ngaich iṙūö yihtöre nö in Ò, ngaich ngö ṙô, Rappi; ngaich hāmkūö Ò.

T. MËTIV 22:17

Ve-eny nang ih Man, lökten, Sitih lōn Ömeh? Töhuveū ön ngam kinë-eṅkūö Kaisör, tö ṙāi ṙētö tarik? Rö-ö ṙöng?

MAIKA 3:8

Kô-en pöri chū-ö tööḵlö tö minhôiṅyö aṅ im töhet Fanöinylö ngam Mā Tēv, inkaha, fālen inrē, kumlēḵ inrē öich vë-enynang Israel inrē tö tökööl ò.

YERIMIĀ 42:20

Tö yīö ngaich lō-ongkūö öi pô-òvkūö tö nômö re. Pò yīö tīnngen chu im Mā Tēv ngam Mā Tēv yīö, öi ngö ṙô, Vë-elkui ih im Mā Tēv ngam Tēv hī, nup töng ṙô ngam Mā Tēv ngam Tēv hī nö in ih angū-ö min la-en ih.

Salmai 120:2

Ō Mā Tēv, ṙānyö ngih nômö chu, ṙā-ang i nup minuh tö minyôiny: ṙā-ang nup litāk inrē tö michīl.

Salmai 55:21

Faṙëcha elvāng an sā ta-öng, kinyūngö pöri, ellōn ò: öt ngëḵ nup ṙô ò tö tavī-i, sön pöri nö sā töhōknyu sanët.

NAHIMIĀ 9:37

Ngaich nup tökôlò ṙòng e nö chuh in yip rācha yip ha-ūichlö meh nö i kui ih tökūö nup tökööl ih; minhôiṅyuvö yip inrē nö i në alaha ih i në nuā ih inrē ip töng kanahanglōn cha, ngaich īhö el ngih yöng kanihngenre.

2 KINṘÖTNGÖ 19:7

Yĕh pöchö ngaich, i kui yīö an yēḵ ngam pinhë-eṅkūö tö ngam Mā Tēv; haṙēmngenre tö nup la-en yīö, tön rö-övö nö inchōichnguvö nö in öp töchip hēk öt intöltenvö, hēk öt kē raneushö minyôiny.

2 KINṘÖTNGÖ 18:13

Ngö ṙô pöri Mikayā, Sā ngam Mā Tēv nö tö aṅ, öp ṙô ngam Tēv chu, angū-ö min ṙô chu.

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

2 KÒRIN 4:1

Yĕh meuk, lökten in īnu tö ngih mineukṙen, sā taneūngen ih, tö neūkölōn, öt chëya in;

T. MËTIV 22:16

Ngaich tīnngö yik mahaköp nö in re cha-a, nö holtö yik aṅ in Hērôt, ngaich ngö ṙô cha-a, Mahaköphöti; akahalōn in tö Meh tökô-en, im kanô-en Man inrē haköptö talöökö ngam Tēv Öt hĕng tak chumkūöṙen inrē; pò Meh öt ngëichkökūö tarik.

T. MĀKÖS 12:13

Ngaich cha-a nö tīntö aṅ i yik Feresī, yik aṅ in Hērôt inrē; pò cha nö hòṅ kēḵ An i nup ṙô Ò.

T. MĀKÖS 12:15

Akahalōn pöri Anga-aṅ tö ngam innyatkö elmat in cha; ngaich ngö ṙô tö cha, Kūöyòh öi kalaha Chu? Hĕng hata tāk yin, kētö rupīö; hòṅ Chu meūkö e.