T. MĀKÖS 12:1 - TÖHET LĪPÖRE (Re-edited) Bible (BSI)

¹ Kaknyöre ngaich Anga-aṅ nö ve-ekūö cha nö inchōḵovṙô. Hĕng taka ök tarik vamī panô-òṅ angkūr; havīlö e ngaich, nö kalonglö e; ngaich ul chūök kinrān nup angkūr; ngaich vīlö ihong patī; ngaich haṙāyö tö yik yōm panô-òṅ. Kiröönngöre ngaich anga-aṅ i tahëng pumnāmö.

T. MĀKÖS 12:1 Referans Kwoze

T. MĀKÖS 13:34

Sā öp tarik an chamuh tahëng panam, öp ṙamā-ang patīre, ngaich halēnngen yip kūönkūöre, nö kö i la-enre; tölṙô öp yōm inkūp inrē nö aṅhaṅti.

T. MĀKÖS 4:2

Ngaich ṙōlö ṙô Anga-aṅ nö haköpten cha, nö inchōḵovṙô; nö ngö ṙô tö cha, nö i inköphöti,

T. MËTIV 25:14

Sā öp tarik an ngam pūlngö ngam halīöngö, chamuh tahëng panam; have-eti tö yip mahalanṙenre.

INLAHEN 7:38

Anga-aṅ an mī-i yik māṅ nö el-īnchōn, holtö ök ma-ahānga vame-eṅkūö ò, nö i kui ap Rôngö Sīnāi; kamëḵ ngam tö aṅ ṙô, nö kē-ĕkūö hī.

T. LŪKÖS 19:12

Lökten Anga-aṅ nö ngö ṙô, Hĕng taka ök tökôlò tarik chamuh tömarôvat panam, nö kēḵ öp pūlngöre; ngaich hēk havantöre.

T. LŪKÖS 15:13

Ölu nö ṙōlhang sumkam, hē ngam manāngö nö halēnnup chehen, kiröönngöre ngaich nö chuh tö marôvat panam. In e anga-aṅ ngaich nö mëichngö nup chehen, nöng ötlēnen.

T. LŪKÖS 8:10

Ngaich ngö ṙô Anga-aṅ, Yī-ö yin tö kē-ĕvkūö pòi hōtu akahalōn tö ngam ötmikahkūö sin inlahen ngam pūlngö ngam Tēv; i yip tahëng tak pöri, höng i inchōḵoṙô; pò cha nöng meuk, ngaich nöng öt akaha el mat; hang yih cha-a, ngaich öt akaha elnang.

T. MËTIV 21:28

Sitih lōn öi yī-ö? Hĕng taka ök tarik tö nët tak kūön tö kikōnyö. Yihtöre anga-aṅ nö ik maṙöinylö, ngaich ngö ṙô, Kakūönö; kuṙòh, la-evṙen man töngamuh el öp panô-òṅ vāin.

ISIKĪ-ĔL 20:49

Ngaich ngö ṙô chū-ö, Aōla Mā Tēv! Ngö ṙô yip tö chu, Hö-ö apa nö vamī inchōḵoṙô?

YERIMIĀ 2:21

Töteūichtuvö pöri tö chu öm vāin tö-atöllöng öm aṅ i tölöök kulöl. Sitih ömeh vīngöre ötkôngöre ṙô ngaich vīngöre öm vāin aṅ el inchōn?

Isayā 7:23

Ngaich ngö inlahen min ip sakāmö angū-ö, nö keuheūtngöre chūök, i chūök nup tököṅnyu vāin tököṅnyu ṙāi tö rupīö, ngaich nöng chūök töchökhu kaha kun chōn.

T. LŪKÖS 22:9

Ngaich ngö ṙô cha-a tö Ò, Isuh lōn Öm, tö ai halēna.

T. MËTIV 13:3

Ngaich Anga-aṅ nö inchōḵovṙô nö ve-ekūö cha, nö ngö ṙô Yĕh meuk ngam tameūich nö kiröönngöre-nö teūich.

T. MËTIV 21:33

Hangihtöre yin tö ngaich tahëng inchōḵoṙô. Hĕng taka ök tarik töpati-ivö, ök vamī panô-òṅ vāin; ngaich kalonglö e; ngaich ultö kinrān vāin nö ël e; ngaich mānlö tökiröng patī; ngaich hökiṙen angū-ö nö i yik yōm panô-òṅ; ngaich chuh tahëng panam anga-aṅ.

T. MËTIV 21:34

Ngaich hē kanöinyòng u, tīnngö mahalanṙenre anga-aṅ nö i yik yōm panô-òṅ, nö kēḵ nuk kintölö ò.

T. MĀKÖS 3:23

Ngaich havëten cha Anga-aṅ nö in Ò ngaich ngö ṙô tö cha, nö inchōḵovṙô, Sitih kanô-òṅ ang ngam Sātān nö ahōngö Sātān?

T. MĀKÖS 11:33

Ngaich cha-a nö ngö ṙô, nö sapṙô Yēsū, Öt akahalōn in. Ngaich Yēsū nö ngö ṙô tö cha, Öt rēhĕn Chin chĕi Chu-ö hòṅ ve-eny nang yīö töp chöngö Chu, la-evṙen tö në.