T. MĀKÖS 11:25 - TÖHET LĪPÖRE (Re-edited) Bible (BSI)

²⁵ Yē yīö söklöre ve-ekūötēv, aṙē-ĕl, yĕn hĕng tak öp töfāluṙen nö in yīö, hòṅ ngam Yöng yīö inrē, el halīöngö, nö aṙēlen yīö tö nup fālen yīö.

T. MĀKÖS 11:25 Referans Kwoze

KÒLÒSĪ 3:13

Kö ṙāpö höö, kö aṙēlen höö, yĕn tarīku tö miṙivulōn nö i töng holre; sā tī ngam Tēv nö aṙēlen yīö, ngatī yin yēḵ yī-ö inrē:

EFISÖS 4:32

Kö aheuk tö höö, aṙē-ĕlōn, kö aṙēlen höö, sā ngam Tēv inrē nö aṙēlen yīö lökten in Kristū.

T. LŪKÖS 6:37

Ui vahëkuvö; ngaich yī-ö min öt vinëkuvö. Ui ötkôlòtī; ngaich yī-ö min inkôlu ṙô. Aṙē-ĕl; ngaich yī-ö min aṙēlöngö.

T. MËTIV 6:12

Aṙē-ĕl tökööl ih, sā ih aṙē-ĕl tökööl vē tököölö fālen nö in ih.

T. MËTIV 5:23

Lökten yē meh kētö nup tökētu vö tö meh, el ngam mīs ngam Tēv; ngaich yē meh in e fē-ĕlre tö ngam hol meh nö rahëchyen löknyö kumnyahlōn nö in meh;

YĀKÖP 2:13

Pò ngam kinṙôka nö öt miṙē-ĕvlōn nö in ò ngam töt mahameuktö miṙēlōn: eū-eure an ngam miṙēlōn nö lā-al ngam kinṙôka.

T. MËTIV 6:5

Hēk, yē yīö öi ve-ekūötēv, uh yin sā yip mahanyatkö elmat; tön hāngenlōn yip cha-a, nö sökhaka nö ve-ekūötēv, nö el chūök vine-eṅkūötēv i pak kūö talöökö inrē; pòn hòṅ meūkö cha-a tö tarik. Tökô-ò ṙô Chin tö yīö, ngaich yip cha-a nö teūngen tö raneushöre

T. LŪKÖS 18:11

Söklöre ngaich ngam Feresī nö ngö ṙô, nö kahngenre nö ve-ekūötēv, Ō Tēv, ha-öinyö Meh chin, pò chu öt sā yip tahëng tarik, kamil, tömichūṙen, ma-asĕhha; ötrēhĕn chin sā ngòh mahamūl ṙāi kinëhet chehen.

SAKARIĀ 3:1

Ngaich aga-aṅ nö hameukhö-mat chu tö Yôsuā ök mākūö kūönṙô nö sökhaka nö i kūö ök ma-ahānga aṅ im Mā Tēv, sökhak inrē satān nö lā hāmö nö lā-al ò.

INMEUKHÖMAT 11:4

Cha-a nan tö nët māṅ òliv, tö nët inrē chūökröön tö manyak, söktöheich nö i kūö ngam mā ngih panam.

T. LŪKÖS 18:13

Ngaich ngam mahamūl ṙāi kinëhet chehen, nö marôvat nö sökhaka, ötrēhĕn nö hòṅ môklökūöre nö el halīöngö; kōk elngòhre pöri anga-aṅ nö ngö ṙô, Ō Tēv, aheukölōn Man tö chu, chu-ö tököölö fālen.